Ölkə futbolu
"İmarət" arzusu ilə 6 il
Bu gün “Qarabağ”ın çılğın azarkeş qrupla…
Bu gün “Qarabağ”ın çılğın azarkeş qruplarından olan “İmarət” fan-klubunun ad günüdü. Futbolinfo.az xəbər verir ki, adıçəkilən azarkeş qrupunun 6 yaşı tamam olur.
İştirak etdiyi yarışdan, rəqibin gücündən asılı olmayaraq, həmişə tribunalarda sevimlilərini dayanmadan qələbəyə səsləyən fan-klub adını işğal altında olan Ağdamdakı “İmarət” stadionundan götürüb. Bu gün münasibətilə azarkeş qrupunun idarə heyətinin üzlərindən Qabil Hüseynlə əlaqə saxladıq:
“Saytınız vasitəsilə bizi təbrik edən hər kəsə təşəkkürümü bildirmək istəyirəm. “İmarət” 2009-cu ildə yaranıb, bu gün 6 yaşı tamam olur. Yaranan gündən ideyamızı qorumağa çalışırıq. Əsas məqsədimiz vətənpərvərlik, “İmarət” stadionuna və Ağdama qayıtmaqdı. Hər il, öncəkindən də yaxşı göstəricilərə imza atırıq. Yeni il üçün də hədəflərimiz var. Qarşıda hər il artıq ənənə halını alan yekun tədbirimiz baş tutacaq. Bu, dekabrın 10-dan sonraya nəzərdə tutulub. Hələ ki, “Tottenhem”lə oyuna hazırlaşırıq”.
Bundan başqa, Qabil bəy “Qarabağ”ın 118 minlik rəsmi “Facebook” səhifəsi vasitəsilə onları təbrik etdiyini də bildirdi. Biz də öz növbəmizdə “İmarət” fan-klubunu saytımız adından təbrik edir, onlara gələcək fəaliyyətlərində uğurlar arzu edirik.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”