Ölkə futbolu
Azərbaycanda futbolun “inkişaf strategiyası”: 57 günə 47 texniki məğlubiyyət!
AFFA-nın Uşaq və Gənclər üzrə yarışların təşkili ş&ou…
AFFA-nın Uşaq və Gənclər üzrə yarışların təşkili şöbəsinin nə işlə məşğul olduğunu bilmirik, amma onların problemlər məngənəsində aciz qaldığı dəqiqdi. Yeni mövsüm 57 gündü başlayıb, indiyə qədər isə artıq 47 texniki məğlubiyyət qeydə alınıb.
Yarışların hansı məcburiyyətdən bu miqyasda keçirilməsi haqda AFFA-nın baş katibi Elxan Məmmədovun öz nəzəriyyəsi ola bilər. Ola bilsin, futbolun kütləviliyi amilini qabartsın, lakin reallıq odur ki, süni şəkildə say çoxaltmaq heç də inkişaf göstəricisi deyil.
AFFA-nın keçirdiyi bu yarışlarda 470 komanda iştirak edir. Hesablasaq, bu, hardsasa 6000 uşağın futbolla məşğul olması deməkdi. Ancaq hansı səviyyədə? Bu texniki məğlubiyyətlərin əksəriyyətini komandalar yetərsay olmadığına görə alıb. Oyun üçün lazım olan sayda futbolçunu meydana çaıxara bilməyən komandalar üçün xərcə düşüb, onların bütün xərclərini ödəməyin mənası varmı? Ondansa 150-200 komandanın iştirakı ilə daha səviyyəli yarışlar keçirmək, onların qarşısında ciddi tələblər qoymaq olar. Kütləvilik yaxşıdı, bununla belə, sabun köpüyü heç kimə lazım deyil.
Statistikaya baxsaq, görərik ki, əsas problem daha azyaşlı uşaqlarla bağlıdı. Liqalar üzrə texniki məğlubiyyətlərin sayına diqqət edək:
U-10 – 9
U-11 – 6
U-12 – 8
U-13 – 14
U-15 – 2
U-17 – 1
U-19 – 1
U-11 – 6
U-12 – 8
U-13 – 14
U-15 – 2
U-17 – 1
U-19 – 1
Elə təkcə bu fakt hər şeyi deyir. Deməli, peşəkar klubların daha az təmsil olduğu yarışlarda anarxiyadı. Ya həmin yarışların təşkil edilməsində, qaydalarında problem var, ya da AFFA say düzəltmək üçün müraciət edənlərin hamısına “hə” cavabı verib. Nəticə isə göz önündədi: ekipirovkaya, məşq və oyun ləvazimatlarına, nəqliyyat xərclərinə sərf olunan vəsait havaya sovrulub.
Elə 57 gün ərzində yarılardan kənarlaşdırılan 5 komanda da məhz daha azyaşlı uşaqların oynadığı kollektivlərdi. U-10 Liqası 1, U-13 və U-14 Liqaları hərəyə 2 komandanı itirib. Hansısa məşqçinin, təşkilatçının günahı üzündən minimum 50-70 uşaq indi futbolsuz qalacaq. Bəlkə də onların arasında əsl istedadlar var idi. Belə vəziyyətə düşməkdənsə, AFFA əvvəldən seçimi düzgün aparmalıydı. Daha yaxşı seleksiya işi təşkil olunmalı, 150-200 komanda seçilməli, onlara da ən bacarıqlılar cəlb olunmalıydı.
57 günə 47 texniki məğlubiyyət – bu, reallıqdı. Zaman keçdikcə vəziyyət daha da pisləçəcək, bəlkə də belə nəticələr oyun günlərinin də sayını ötüb-keçəcək. Sonucda kütləvilikdən danışdığımız yarışdaa real iştirakçılar qalacaq, hansı ki, onu əvvəlcədən müəyyənləşdirmək lazım idi. Bir məqam da var ki, komanda sayı az olanda rəqabət də artır, daha istedadlılar oynamaq şansı qazanır. İndiki şəraitdə isə say çoxluğuna görə ayağı top tutmayanlar da yarışa cəlb edilir, sonda belə acınacaqlı durumun səbəbkarı olurlar.
AFFA-nın dağılan komandaların problemləri ilə maraqlanmadığına da əminəm. 3 texniki məğlubiyyətdən sonra komandaları qovmaqdansa, onlar elə ilk cəhddə oyuna gəlməyəndə bunun səbəbini soruşmaq, imkan daxilində yardım etmək lazım idi. İtirmək asandı, qazanmaq lazımdı…
FATEH