Ölkə kuboku
Yaşar Seyidov Müşahidə Şurasını "ağ yuyub, qara sərdi"
Bu gün 1-ci divizion təmsilçisi “Bakı”nın d…
Bu gün 1-ci divizion təmsilçisi “Bakı”nın dağılması ilə bağlı xəbər aldıqda, həm təəccübləndik, həm də informasiyanı sakit qarşıladıq. Azərbaycanda o qədər klub dağılıb ki, artıq bunu möcüzə kimi qarşılamırsan. Üstəlik, son zamanlar paytaxtın eyniadlı komandasının maliyyə durumunda qeyri-sabitliyin hökm sürməsi məlumata inanmağa əsas verirdi. Ancaq “Bakı”nın vitse-prezidenti Yaşar Seyidovla söhbətdə iki məsələyə aydınlıq gətirdik.
Futbolinfo.az saytına verdiyi açıqlamada klub funksioneri əvvəlcə komandalarının dağılmaq təhlükəsi barədə danışdı: “Qazaxdakı oyundan qayıdırıq. Azərbaycanda 2-3 klubu çıxmaq şərti ilə, digərlərində vəziyyət necədirsə, bizdə də elədi. Çətinliklər var, amma qeyd etdiyim kimi, bu gün ölkəmizin həm Premyer Liqa, həm də 1-ci divizion klublarında maliyyə problemləri mövcuddu”.
Bəlkə bir-bir Müşahidə Şurası yaradan klublarımızın yolunu tutmaq “Bakı”nı maliyyə məngənəsindən qurtara bilər? Yaşar bəy konkret dəlillər səsləndirərək, bu ideyanın faydasız olduğunu sübuta yetirdi: “Müşahidə Şurası dünyanın bir çox ölkələrində yaradılır. Ancaq gəlin görək, həmin şuralarda kimlər yer alır? Hamısı zəngin insanlardı. Bizdə necədi? Bu qədər Müşahidə Şuraları yaradıblar, həmin üzvlərdən hansı güclü maliyyə dayaqlarına sahibdi? Heç biri. Yenə də sponsorların əlinə baxırlar. Belədə Müşahidə Şurasının hansı faydası ola bilər? Boş-boş vəd verməyə nə var ki? Real iş görmək lazımdı. “Bakı” da Müşahidə Şurası yarada bilər və ən hörmətli insanları üzv edə bilər. Nə dəyişəcək? Ciddi biznesi olmayan insan klubun inkişafına heç bir fayda verə bilməz. Mənim də əla ideyalarım var, amma bunun üçün pulum yoxdu. Bu, bilirsiniz nəyə bənzəyir? Fransız sosialist-utopiyaçıları Sen Simon və Robert Oue insanlara çaylarda su yerinə, süd axacağını vəd edirdi. Bax, elə bu Müşahidə Şurası ideyası da belə bir şeydi. Uşaq futboluna diqqət ayırmaq lazımdı, boş-boş şeylərə yox. “Qəbələ” klubu akademiya yaratdı, düzgün infrastruktur qurdu, bu gün də Avropa Liqasının qrupunda oynamaqla, düzgün yol seçdiyini göstərdi. Konkret iş budu, Müşahidə Şurası yaratmaqla heç nəyə nail olmaq olmaz”.
CEYHUN ƏLİYEV
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Ölkə futbolu2024-04-29 20:00
“Baku Sportinq”dən növbəti darmadağın
- Dünya futbolu2024-04-29 18:32
Palladino iddialı komandadan dəvət gözləyir