Ölkə futbolu
Metropoliten üzr istədi, "Qarabağ" azarkeşlərə biganə qaldı
Avropa Liqasının qrup mərhələsinin 5-ci turu çərçi…
Avropa Liqasının qrup mərhələsinin 5-ci turu çərçivəsində baş tutan “Qarabağ” – “Tottenhem” qarşılaşmasından sonra xoşagəlməz hadisə baş verib. Bakı Metropoliteninin rəhbərliyi bu görüşlə əlaqədar gecə saat 1-ə qədər işləyəcəyini bəyan etsə də, sonda vədinə əməl etmədi. Konkretləşdirsək, metronun “Gənclik” stansiyasının qapıları saat 00:25-dən etibarən vətəndaşların üzünə bağlandı. Bu da təbii narazılığa səbəb olub.
Məsələyə aydınlıq gətirmək üçün Bakı Metropoliteninin Mətbuat Xidmətinin rəhbəri Nəsimi Paşayevlə əlaqə saxladıq. Həmsöhbətimiz bu xəbəri eşitdikdə təəccübünü gizlətmədi. Bir qədər sonra əlaqə saxlamağımızı xahiş edən Paşayev qısa zaman kəsiyində metropoolitenin əməkdaşlarının nəyə görə verilən vədə əməl etmədiklərinə aydınlıq gətirdi: “Yaranmış problemə görə üzr istəyirik. Həqiqətən də 00:25-dən sonra qapılar bağlanıb. Bunun da səbəbi anlaşılmazlıqdı. Əməkdaşlarımız azarkeş axınının kəsildiyini görərək “Gənclik” metrosunun giriş qapılarını bağlayıblar. Nəzərə almayıblar ki, stadionda media işçiləri fəaliyyət göstərir. Buna görə də anlaşılmazlıq yaşanıb. İnanıram ki, bir daha bu cür hal baş verməyəcək”.
Təəssüf ki, “Qarabağ”ın oyununa gələn bir sıra azarkeşlər də metronun bağlı olması səbəbindən evlərinə getmək üçün alternativ variantlardan – taksi xidmətindən istifadə etməli olublar. Ölkə iqtisadiyyatının acınacaqlı durumda olduğunu nəzərə alsaq, sıravi vətəndaşların əlavə pul xərcləməsi əlbəttə ki, Ağdam təmsilçisinin növbəti mövsüm avrokubok qarşılaşmaları gec saatlarda başladığı vaxt gəlib-gəlməməyə tərəddüd etmələrinə zəmin yaradır. Üstəlik, nəzərə alsaq ki, müraciət etdiyimiz klub rəsmilərinin “metronun qarşısında yatası deyilik ki, görək saat neçəyə qədər işlədilər” deməsi, heç də “Qarabağ” adına yaraşmır. Ən azından ona görə ki, azarkeşlərin evə getməsi barədə Metropolitenə müraciət edən məhz “Qarabağ” olub və klubun əməkdaşları fanatlarının normal qaydada evə getmələri naminə metronun qarşısında çadır salmağa da borcludular!
CEYHUN ƏLİYEV
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?