Premyer-liqa
"Zirə", "Sumqayıt" və "Kəpəz" çempionatdan qovulmalıdı
Futbol dünyada “1 nömrə” olsa da, Azərbaycanda…
Futbol dünyada “1 nömrə” olsa da, Azərbaycanda stadionlara gələn tamaşaçı sayını görəndə, buna şübhə etməyə başlayırsan. Ancaq ölkə KİV-i bu idman növünə marağın artması üçün dəridən-qabıqdan çıxır. Kimisində uğurlu alınır, kimisində qismən zəif. Əsas budu ki, istək var. Deməli, nəvaxtsa bu zəhmətin bəhrəsinin görülmək ehtimalı var.
Avrokubok mövsümü Azərbaycan üçün dekabrın 10-da qapandıqdan sonra KİV üzərindəki əsas yük Topaz Premyer Liqasının oyunlarını işıqlandırmaqdı. Uzun yol qət edən media mənsubları üçün minimum şəraiti də meydan sahibi olan klub təşkil etməlidi. Edirlərmi?
İki gün əvvəl Zirə Olimpiya Kompleksinə, “Zirə” – “Qəbələ” matçını işıqlandırmağa gedən jurnalistlərin üzləşdiyi problemlər barədə dünən yazı dərc etmişdik. Nəzərə alsaq ki, Zirədə daim eyni “musiqi”ni dinləyirik, klub tərəfindən hansısa peşəkar addımın atılacağına ümid azdı. Ok. Keçək məsələnin rəsmi tərəfinə.
“Azərbaycan Futbol Premyer Liqasında iştirak etmək üçün Azərbaycan Futbol Klublarının Lisenziyalaşdırması üzrə Qaydalar” – bu, AFFA-nın saytında göstərilən rəsmi qaydalardı. “Maus”un düyməsini 66-cı səhifəyədək fırladırıq və burada KİV ilə əlaqədar tələblər bölməsini oxuyuruq.
İ.20 B. KİV nümayəndələri üçün masa, oturacaqlar və enerji mənbəyi ilə təchiz edilmiş ən azı (bu ifadəyə diqqət!!!) 1 iş otağı ayrılmalıdır.
KİV nümayəndələri üçün Media Tribuna
İ.21 B Stadionda KİV nümayəndələri üçün enerji qaynaqları və internet ilə təmin olunmuş media tribuna olmalıdır.
Burada bir məqama da aydınlıq gətirək. Klubların qarşısında mahiyyətinə görə “A” və “B” səviyyəli tələblər qoyulur. “A” tələbləri mütləq, “B” tələbləri isə tövsiyə xarakterlidi. Yəni “B” kateqoriyasına aid olan bəndlər xəbərdarlıq statusu daşıyır. Deyək ki, hansısa müddəaya riayət olunmursa, bunu aradan qaldırmaq gərəkdi. İlk dəfə xəbərdarlıq edilir, ikinci dəfə cərimə tətbiq olunur. Klub uzun müddət bu müddəanı qulaqardına vurursa, lisenziyası əlindən alınır.
Görəsən, oyunlara AFFA nümayəndəsi təyin olunan yoldaşların bu tələblərdən xəbərləri var? Varsa, nəyə görə heç vaxt bu bərədə rəsmi məlumat vermirlər? Verirlərsə, nəyə görə, media otağının yoxluğuna görə kluba cərimə kəsilməyib? Axı, bu gün də təftiş edilsə, Zirədəki şəraitsizlik aşkar sezilər.
Elə media tribuna da ağlamalı gündədi. Hardadı enerji təchizatı? İnternet var? Hardadı o internet ki, nə logini yazılıb, nə də parolu göstərilib!? Yoxsa KİV təmsilçiləri mikrofon götürüb hayqırmalıdılar ki, gəlin bizə “wi-fi”-dan məlumat verin? Heç nə yoxdu, sanki 90-cı illərin əvvəlləridi və meydan sahibi Bərdə “Pambıqçı”sıdı. “Zirə”nin peşəkarlıqdan uzaq olması öz işidi, amma mediaya dair tələbləri yerinə yetirməməsi ictimai problemdi. AFFA-nın Lisenziyalaşdırma qrupundan isə xahiş edirik bu cür qeyri-peşəkar klublara rəsmi sənəd verərkən, təlimatlandırsınlar ki, heç olmasa oxuduqlarını başa düşməyiblərsə, şifahi nəqldən ibrət çıxarsınlar.
Çıxarmırlarsa, cərimələri kəsilsin. Çünki pul cəzasına reaksiya daha tez olur. Yox, əgər maddi cəza kəsildikdən sonra da, nəticə çıxarmayacaqlarsa, bu komandanın Premyer Liqada işi yoxdu. Ən azından ona görə ki, bütün futbol məmurları bir ağızdan bu idman növünün inkişafı üçün çalışdıqlarını bar-bar bağırır. “Zirə” isə əksinə, futbolun təbliği üçün çalışan jurnalistləri sanki bilərəkdən oyunları işıqlandırmaqdan uzaqlaşdırır.
Problem yalnız “Zirə” ilə bağlı olsaydı, buna göz yummaq olardı. “Sumqayıt” və “Kəpəz”in ev oyunlarını keçirdiyi arenalarda vəziyyət daha dözülməzdi. Nı Sumqayıtda, nə də Gəncədə normal işləmək üçün şərait yoxdu.
Biz yazdıq. Bu komandanın ev oyunlarına təyin olunan AFFA nümayəndələrinin hesabatda çatışmazlıqları qeyd etmədikləri üçün cəzalanmasını tələb etmək hüuquqmuzdan da istifadə edirik, “Zirə”nin, “Kəpəz”in, “Sumqayıt”ın futbolun inkişafına maneələr törətməsinə görə məsuliyyət daşımasını da! Mütləq mövzuya qayıdacağıq. Ki, futbol inkişaf etsin, klublarda çalışanların cibləri yox!
CEYHUN ƏLİYEV
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”