Milli komanda
Əsgərov macarlara məğlubiyyəti şərh etdi: "Bu, normaldı"
Bu gün 17 yaşadək qızlardan ibarət Azərbaycan yığması mac…
Bu gün 17 yaşadək qızlardan ibarət Azərbaycan yığması macarıstanlı həmyaşıdlarına 0:1 hesabı ilə uduzub. Futbolinfo.az xəbər verir ki, "Bayıl Arena"dakı matçdan sonra AFFA-nın saytına açıqlama verən millimizin baş məşqçisi Siyasət Əsgərov məğlubiyyəti belə şərh edib:
“İlk oyunda futbolçularda həyəcan vardı. Bununla belə, ilk 20 dəqiqədə yaxşı oynadığımızı düşünürəm. Ancaq sonradan yarımmüdafiənin mərkəzində buraxdığımız səhvlər qapımıza daha çox hücumla nəticələndi və rəqib yaratdığı imkanlardan istifadə edib, qələbə qazandı. İkinci oyunda isə rəqibi yaxşı analiz etmişdik. Qələbə qazanmaq üçün meydana çıxmışdıq. Daha çox irəli atılaraq, rəqibə çətin anlar yaşada bildik. Təəssüf ki, son nöqtəni qoya bilmirdik. İlk oyunla müqayisədə, rəqib daha az hücum təşkil etdi. Belə hücumların birində standart vəziyyət zamanı səhv etdik və qol buraxdıq. Komandamız yenidən formalaşıb və müəyən səhvlər etməsi normaldır. Amma ümumi götürdükdə, komandamdan daha yaxşı oyunlar gözləyirdim”.
Xatırladaq ki, bu komandalar arasında fevralın 23-də keçirilmiş yoldaşlıq oyunu 3:0 hesabı ilə Macarıstan yığmasının xeyrinə başa çatmışdı.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-23 08:00
“Səbail” “Sabah”a uduzsa…