Ölkə futbolu
“Sumqayıt” baxış bucağını dəyişir: "U-17-yə cəmi bir futbolçu vermək pis nəticədi"
Mövsüm tədricən sona yaxınlaşır. Çempionatın u?…
Mövsüm tədricən sona yaxınlaşır. Çempionatın uğursuzları sırasında ənənəvi olaraq, “Sumqayıt” da var. Komanda yenə də turnir cədvəlinin alt sıralarında var-gəl edir.
Bir müdddət əvvəl baş məşqçi Samir Abasov hazırki heyətdən 5 oyunçunun qalacağını bildirməklə, faktiki olaraq, yeni komanda formalaşdıracağını bəyan etdi. “Sumqayıt”da ciddi islahatlar gözlənilirsə, ilk olaraq, Ceyhun Sultanov yada düşür. Futbolinfo.az saytına verdiyi müsahibədə klubun baş meneceri daha mühüm məsələlərə toxundu.
– İlk olaraq heyətdə gözlənilən islahatlar barədə məlumat verərdiniz…
– Bu barədə indidən heç nə deyə bilmərəm.
– Amma baş məşqçi Samir Abasov hazırki heyətdən vur-tut 5 oyunçu saxlayacağını bildirib.
– Çempionatın bitiminə hələ 4 tur qalıb. Yenə finiş xəttinə 1 tur qalsaydı, bu mövzuda daha ətraflı fikir bildirmək olardı. İndi isə danışmağım düzgün çıxmaz. Mövsüm başa çatdıqdan sonra növbəti il üçün planlarımız müəyyənləşəcək.
– Klub prezidenti Kamran Quliyev Ağabala Ramazanovun “İnter”ə keçidi barədə danışıb.
– Bəli, Ramazanov həqiqətən də komandadan ayrıla bilər. Ancaq hələ ki, konkret söz deməkdə çətinlik çəkirəm. Bütün məsələlərə mövsümün sonunda aydınlıq gələcək.
– Yəqin razılaşarsınız ki, ölkənin müxtəlif yaş qruplarına oyunçu hazırlamaq məqsədi ilə yaradılan “Sumqayıt”ın cəmi bir futbolçusunun 17 yaşlılar arasında Avropa çempionatının final mərhələsində yığmamıza cəlb olunması olduqca pis nəticədi.
– Bəli, razıyam. Ümumiyyətlə, baxış bucağını dəyiəcəyik. Daha böyük diqqəti yerli futbolçuların yetişdirilməsinə, yəni, futbol akademiyamıza yönəldəcəyik.
– Hər halda dağıstanlılara milli pasport verməklə futbolun inkişafına heç bir təkan verilmir.
– Növbəti mövsümdən etibarən akademiyamızın uşaqlarına daha çox diqqət ayıracağıq ki, yerli futbolçular inkişaf etsin və nəticələri onlarla qazanaq.
CEYHUN ƏLİYEV
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”