Ölkə futbolu
Klassik final: ardıcıl 2-ci dəfə
Dünən Azərbaycan kubokunda yarımfinal mərhələsinin növ…
Dünən Azərbaycan kubokunda yarımfinal mərhələsinin növbəti matçları baş tutdu. İlk olaraq, meydana “Qəbələ” və “Neftçi” çıxdı. Bu matç ilk qarşılaşmada olduğu kimi, 1:1 hesablı bərabərliklə başa çatdı. Oyunsonrası penaltilərdə isə “ağ-qaralar” sevinərək finala vəsiqəni əldə etdi. Bununla da bakılılar ardıcıl 5-ci, ümumilikdə isə 10-cu dəfə finala vəsiqə qazandılar.
Ümumiyyətlə, paytaxt təmsilçisi ölkə kubokunda ən çox final oynayan və qalib olan komandadı. Paytaxt təmsilçisi 7 dəfə titulu muzeyinə aparıb. “Ağ-qaralar” ardıcıl 5-ci dəfə finala vəsiqə qazanmaqla gələcəkdə qırılması çətin bir rekorda imza atıb.
28.05.95 “Neftçi” 1:0 “Kür” (Mingəçevir”)
15.05.96 “Neftçi” 3:0 “Qarabağ” (Ağdam)
28.05.99 “Neftçi” 0:0 “Şəmkir (pen. 5:4)
25.05.01. “Neftçi” 1:2 “Şəfa”
09.05.04. “Neftçi” 1:0 “Şəmkir”
17.05.12. “Neftçi” 0:2 “Bakı”
28.05.13. “Neftçi” 0:0 “Xəzər Lənkəran” (pen. 5:3)
22.05.14. “Neftçi” 1:1 “Qəbələ” (pen. 3:2)
03.06.15. “Neftçi” 1:3 “Qarabağ”
Səfərdə qazanılan 4:0 hesablı qələbənin revanşında evdə “İnter”i 1 cavabsız qolla məğlub edən “Qarabağ” isə tarixində 8-ci, ardıcıl isə 2-ci dəfə finala çıxdı. Titulun son qalibi ötən il olduğu kimi, bu dəfə də finalda məhz “Neftçi” ilə qarşılaşacaq.
Ümumiyyətlə, ağdamlılar 4 dəfə ölkə kubokunun qalibi, 3 dəfə isə finalda məğlub olub. Statistikaya nəzər salsaq, tərəflər cəmi 2 dəfə finalda bir-birlərinə rəqib olublar. Bakılılar 1996-cı ildə Tofiq Bəhramov adına Respubilka stadionunda 8500 tamaşaçının izlədiyi qarşılaşmada Yunis Hüseynovun dublu və Vidadi Rzayevin tək qolu sayəsində rəqibini məğlub etmişdi – 3:0. “Atlılar” bunun qisasını yalnız 19 il sonra – ötən mövsüm Qəbələdə keçirilən həlledici matçda ala bilmişdilər – 3:1.
Ümumilikdə isə ağdamlıların finaldakı nəticələri belədi:
28.05.93. “Qarabağ” 1:0 “İnşaatçı” (Sabirabad)
15.05.96. “Qarabağ” 0:3 “Neftçi”
28.05.98. “Qarabağ” 0:2 “Kəpəz” (Gəncə)
28.05.00. “Qarabağ” 1:2 “Kəpəz”
03.06.06. “Qarabağ” 2:1 “Karvan”
23.05.09. “Qarabağ” 1:0 “İnter”
03.06.15. “Qarabağ” 3:1 “Neftçi”
Beləliklə, yenidən ölkənin iki tarixi klubu, əzəli rəqiblər finalda titul üçün döyüşəcək. Qüvvələr nisbəti fərqli olsa da, belə oyunlarda, Azərbaycan üçün klassika sayıla biləcək oyunda aşkar favorit yoxdu.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?