Milli komanda
"Millimizin bu durumuna "şaxsey" deyib ağlamaq lazımdı"
Azərbaycanda keçirilən 17 yaşadək futbolçular arası…
Azərbaycanda keçirilən 17 yaşadək futbolçular arasında Avropa çempionatı davam edir. Turnirə ev sahibi qismində qatılan millimiz də artıq iki qarşılaşma keçirib. Komandamızın ilk oyunda Portuqaliyaya 0:5 hesabı ilə uduzmağı xeyli səs-küyə səbəb oldu. Futbolsevərlərimizi qıcıqlandıran məğlubiyyətdən çox heyətdəki legionerlər idi. Belə ki, sözügedən matçda yığmamızın start heyətində 5 milliləşdirilmiş futbolçu yer almışdı. Məsələ ilə bağlı millimizin sabiq futbolçusu Kamal Quliyevin də fikrini öyrəndik:
"Təbriz Həsənova böyük hörmətim var. Mən "Karvan"da oynayanda komandamızda köməkçi məşqçi işləyib. Amma mən özümdən misal çəkim… Biz burada yığma komanda ilə oyuna çıxanda, ən azından, fikirləşirdik ki, mənim valideynim, qardaşım, əmimoğlu tribunada xalqın arasında dayanıb oyunuma baxır. Ona görə də meydanda pis oynamamalıyam ki, xalq onları təhqir etməsin. Ən azında belə şeylər fikirləşirdik. O qüruru, vicdanı, namusu fikirləşirdik. Yəni ölkəmizdə 11 nəfər azərbaycanlı futbolçu tapıb, çıxarda bilmədik ki, türkiyəlilərə möhtac olduq. Bəs Belçika ilə oyuna azərbaycanlı uşaqlar niyə oynadı? Var, qardaş. Azərbaycanda futbolçular var. Sadəcə, inam, güvən lazımdı. Əhməd Ələsgərov niyə Kamal Quliyevi, Ədəhim Niftəliyevi heyəti ulduz futbolçulardan ibarət olan Portuqaliya yığmasının qarşısına atdı? Dəli idi? Elə gedib təcrübəli futolçular tapıb gətirərdi, onların praktikasından yararlanardı. Deməli o kişi nəsə görürdü, bilirdi, hiss edirdi ki, bu addımı atdı. Qorxmadı. Bu gün biz də uşaqlarımıza güvənməliyik. Bizim uşaqlar oynasaydı, hesab elə olmayacaqdı. Onlar stadiona gələn ailəsinə, qohumuna, dövlət başçımıza görə vuruşacaqdı. Yoxsa türkiyəlinin nəyinə lazımdı ki, stadiona kim gəlib, kim var. Oynayıb, gedəcək".
Hazırda 1-ci divizion təmsilçisi "Neftçala"da baş məşqçi işləyən Quliyev Türkiyə mediasında yerləşdirilən bəzi yazılara da münasibətini açıqladı: "Yəqin xəbəriniz olardı, Türkiyə mətbuatı sevinərək yazırdı ki, Azərbaycan bizim üçün futbolçu yetişdirir. Azərbaycan özünə futolçu tapmır, Türkiyə üçün yetişdirəcək? Bədbəxtliyimizə bax da… Millimizin bu durumuna "şaxsey" deyib ağlamaq lazımdı. Sabah xeyirimizdə, şərimizdə üz-üzə gələcəyik. Ona görə də gəlin, bir-birimizi aldatmayaq, qardaşlar, səmimi olaq, günahımızı, səhvimizi boynumuza alaq. İnsan səhv edər də. Problemi başqa yerdə axtarmaq lazım deyil. Birinci günahkar baş məşqçidi. Bu nədir, karusel kimi fırlanırıq: U-16, U-17, U-15… Azərbaycanda başqa məşqçi yoxdu? Bəsdir də. Başqasına da şans verin! O birisini də yoxlayın. Dünya dağılmaz ki! Biabırçılıq, gülünclükdü".
- Milli komanda2024-05-08 12:17
Millimizin gələcək baş məşqçisi Bakıya gəlir
- Ölkə futbolu2024-05-08 09:27
Georgiyevski “Neftçi”nin nəticələrini qəbulolunmaz sayır: “Qarabağ” nə qədər güclü olsa da…”
- Ölkə futbolu2024-05-08 16:22
PFL-lə “YAŞAT” Fondu arasında anlaşma memorandumu imzalandı
- Dünya futbolu2024-05-08 12:02
“Sabah kimsə necə qalib gəldiyimizi xatırlamayacaq”