Ölkə futbolu
Pivarnik: "Qarabağ"la ev oyununda Plzen azarkeşlərinə də inanıram"
Ölkəmizi Çempionlar Liqasında təmsil edən "Qaraba…
Ölkəmizi Çempionlar Liqasında təmsil edən "Qarabağ" bu gün üçüncü təsnifat mərhələsinin ilk oyununda Çexiyanın "Viktoriya" klubunun qonağı olacaq. Futbolinfo.az xəbər verir ki, qarşılaşmadan əvvəl təşkil olunan mətbuat konfransında Plzen təmsilçisinin baş məşqçisi Roman Pivarnik "Qarabağ" haqda kifayət qədər məlumat əldə etdiklərini bildirməklə yanaşı, komandasının hazırkı gücündən də söz açıb.
"Bu, bizim üçün vacib qarşılaşmadı. Növbəti mərhələyə adlamaq üçün əlimizdən gələni etməyə çalışacağıq. Çünki bunu bacaracaq komanda hazırlamışıq. Rəqibi analiz etmək üçün kifayət qədər vaxtımız olub. Belə qənaətə gəlmişik ki, "Qarabağ" rəqabət aparan, stabil futbol sərgiləyən komandadı" – deyə, Pivarnik bildirib.
Çalışdırıcı rəqibin bir oyununu canlı izlədiyini də vurğulayıb: "Bir sözlə, "Qarabağ" haqda yetərincə məlumat əldə edə bilmişik. Bizim üçün vacib olan yaxşı təlim-məşq toplanışı keçmək idi. Futbolçularım da hazırlıq vaxtı bundan maksimum yararlandılar. Düzü, buna görə də heyəti formalaşdırmaqda çətinlik çəkirəm. Çünki hər futbolçu start heyətdə oynamağa layiqdi. "Qarabağ"la oyunda Plzen azarkeşlərinə də inanıram. İnanıram ki, bizi möhtəşəm atmosfer gözləyir. Onların dəstəyi bizim üçün çox önəmlidi".
Qeyd edək ki, "Viktoriya" – "Qarabağ" matçı saat 22:15-də start götürəcək.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Ölkə futbolu2024-04-29 20:00
“Baku Sportinq”dən növbəti darmadağın
- Ölkə futbolu2024-04-29 14:17
II Liqada 23-cü turun təyinatları müəyyənləşdi