Ölkə futbolu
“Neftçi” heç vaxt məğlub edə bilmədiyi komandaya qarşı
Təqvimə əsasən, II turun son oyunu “Bakcell Arena”da k…
Təqvimə əsasən, II turun son oyunu “Bakcell Arena”da keçirilməli və görüş saat 21:00-da başlamalı idi. Lakin sözügdən stadionda təmir işləri aparıldığından “Neftçi” “Zirə”ni Masazırda qonaq edəcək. “Əlincə Arena”da baş tutacaq duel saat 20:00-da start götürəcək.
20:00. “Neftçi” – “Zirə”
Hakimlər: RAMİL DİNİYEV, Elman Musayev, Rahil Ramazanov, Coşqun Həsənov.
Əlavə köməkçi hakimlər: Əliyar Ağayev, Fariz Yusifov.
AFFA nümayəndəsi: Rauf Əmirov.
Hakim-inspektor: Rövşən Əhmədov .
“Əlincə Arena” (13000 yerlik).
Nə qədər qəribə səslənsə də, “Zirə” “Neftçi”nin tarixi ərzində məğlub etmədiyi yeganə komandadı. Təbii, söhbət ölkə çempionatından gedir ki, bu da qəsəbə təmsilçisinin ötən mövsüm Azərbaycan Premyer Liqasında debüt etməsi ilə bağlıdı. Sonuncu çempionatda özünə bənzəməyən “ağ-qaralar” uğurlu mövsüm keçirən debütanta 2 dəfə uduzudlar, 2 qarşılaşma isə heç-heçə bitdi.
Komandalar yeni mövsümə fərqli nəticələrlər başlayıblar. “Neftçi” səfərdə AZAL-ı məğlub etdiyi halda (2:0), “Zirə” evdə “Sumqayıt”a uduzub (0:1). Masazırda baş tutacaq deuldə əldə ediləcək 3 xal hər iki komanda üçün böyük önəm daşıyır. “Ağ-qaralar” uğurlu başlanğıcın davamını gətirib şəriksiz lider olmağı, qonaqlar isə ilk turdakı yenilgini unutdurmağı hədəfləyiblər.
STATİSTİKA: 4 oyun, +0=2-2, top fərqi 1-6
ÖTƏN MÖVSÜM…
03.10.2015 Zirə – Neftçi 2:0
06.12.2015 Neftçi – Zirə 1:1
27.02.2016 Zirə – Neftçi 3:0
23.04.2016 Neftçi – Zirə 0:0
OYUNDAN NOTLAR
* “Neftçi” düşərgəsində Jayro cəzalıdı.
* Hər iki komandanın heyətində zədəli futbolçu yoxdu.
REFERİ
II turun son oyunu xüsusi bir hakimə – Ramil Diniyevə tapşırılıb. Ötən mövsümün sonuncu turunda “Rəvan” – “Xəzər Lənkəran” matçında qonaqların qapısına təyin etdiyi penalti ilə ölkə hüdudlarından kənarda da adından söz etdirən, yeni çempionatın açılış turunda qapı arxasında dayanan köməkçi hakim qismində məhz "Neftçi" ilə oyunda AZAL-ın təmiz qolunu qeydə almayan və bu cür xətalara rəğmən, AFFA-nın Hakimlər Komitəsinin cəzalandırmağa cürəti çatmayan Diniyev yenidən iş başında olacaq.
Ramil bəy ötən mövsüm “Neftçi”nin 4 oyununda fit çalıb. Bunlardan 2-də qələbə qazanan “ağ-qaralar”, 1 dueldən də məğlub ayrılıblar. “Neftçi”yə 12, rəqiblərinə 9 sarı vərəqə verən baş hakim, 1 dəfə də flaqmanın lehinə 11 metrlik nöqtəni göstərib.
Diniyev “Zirə”nin 5 oyunda fit çalıb ki, qələbə və məğlubiyyət sayı eynidi – 2:2. Zirəlilərə 9, rəqiblərinə 12 sarı verən referi, 1 dəfə də dadlı pomidoru ilə ad çıxaran qəsəbə klubunu penalti ilə cəzalandırıb.
FƏRİD
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”