Ölkə futbolu
"Qəbələ"nin taleyi məşhur referinin əlində
“Maribor” – “Qəbələ” oyunu idarə ed?…
“Maribor” – “Qəbələ” oyunu idarə edəcək macarıstanlı Viktor Kaşşai nəinki azərbaycanlı az qala futbolla maraqlanan hər kəsə tanışdı. Futbolinfo.az xəbər verir ki, 40 yaşlı ədalət təmsilçisi dəfələrlə böyük turnirlərdə oyunlar idarə edib.
UEFA-nın elit kateqoriyasına aid olan hakimlərdən sayılan Kaşşai macar dilindən başqa, ingilis və almanca da bilir. İxtisası çap məhsullarının satışı olan referinin əsas hobbisi idmanla məşğul olmaq və filmə baxmaqdı. 2003-cü ildən FİFA referisi olan fit sahibi təmsilçilərimizdən yalnız “Neftçi”nin oyununu idarə edib. O, 2005-ci ildə Bakıda Belçika “Anderlext”i ilə keçirilən görüşdə təmsilçimizin qələbəsini (1:0) qeydə almışdı. Məhz bu qalibiyyətdə Kassainin təyin etdiyi penalti həlledici olmuşdu. Həmin oyunda meydana çıxan futbolçulardan yalnız Rəşad Sadiqov indi “Qəbələ”nin heyətindədi. Ümumiyyətlə, “qarapaltarlı” həmin görüşdə hər komandadan bir futbolçuya sarı vərəqə göstərməklə yadda qalıb.
Ədalət təsilçisi indiyə kimi bir dəfə də “Maribor”un oyununa təyinat alıb. O, sloveniyalıların səfərdə “Seltik”i üstələdiyi oyunda (1:0) şotlandların 3, qonaqların isə 4 futbolçusuna sarı vərəqə göstərib.
İndiyə kimi 121 beynəlxalq matç idarə edən macar hakim bu görüşlərdə 525 sarı, 20 qırmızı vərəqədən istifadə edibsə, 33 dəfə də qapılara penalti təyin edib.