Müsahibə
Prosineçki: "Bu qələbəyə görə çox sevinmək lazım deyil"
"Mənim komandam rəqibdən üstün idi və bunu bugü…
"Mənim komandam rəqibdən üstün idi və bunu bugünkü oyun sübut etdi. 90 dəqiqə üstünlük bizdə idi. Topa nəzarət etdik, qol şansları yaratdıq. Təəssüf ki, qol şanslarından kifayət qədər istifadə edə bilmədik. Artıq diqqəti qarşıdakı çətin oyuna yönəltmək lazımdır".
Futbolinfo.az xəbər verir ki, bunu Azərbaycan yığmasının baş məşqçisi Robert Prosineçki DÇ-2018-in seçmə mərhələsinin San Marino ilə keçirilmiş oyundan sonra təşkil olunmuş mətbuat konfransında deyib.
Daha sonra baş məşqçi jurnalistlərin suallarını cavablandırıb
– Xeyli sayda qol imkanı boşa verildi. Bunu necə izah edə bilərsiniz?
– Nəyə görə belə olduğunu deyə bilmərəm. Ruslan Qurbanov çətin vəziyyətdə qol vurdu, amma asan vəziyyətlərdən istifadə edə bilmədik. Bunun üzərində işləyəcəyik. Əsas odur ki, qələbə qazandıq və tsiklə üç xalla başladıq. Üstünlüyümüzü 90 dəqiqə sübut etdik. Növbəti oyunu – Norveçlə qarşılaşmanı düşünməliyik.
– Böyük futbolçu olub, böyük klublarda çıxış etmisiniz. Nə vaxtsa Əfran İsmayılov kimi oynamısınız?
– Mən ondan yaxşı oynamışam. Ancaq deməzdim ki, Əfran zəif oynadı. Ruslanın qolunda ötürməni o verdi. İstedadlı futbolçudu.
– Ramil Şeydayevlə Emin Mahmudovun çıxışını necə dəyərləndirirsiniz?
– Eminlə bağlı danışmışam və bu səbəbdən bu gün ona daha çox şans verdim. Şeydayev də gənc futbolçudur. Hər ikisi az oynadı. Emin yaxşı top saxlayır və açılır. Ötürmələri də yaxşıdır. Ramil isə deyəsən, 4-5 dəqiqə oynadı. Ümumilikdə, razı qaldım.
– Qədim zamanlarda Pir adlı sərkərdə vardı. Həmin sərkərdə məğlubiyyətə bərabər qələbə qazanıb. Bu qələbәnizi "Pir qələbəsi" adlandırmaq olar?
– Bilirdim ki, bizi çətin oyun gözləyir. Rәqib zəif olsa da, azlıqda qalsa da, yaxşı müdafiə olundu. Ancaq qələbə qazandıq. Rəqibi azlıqda qalmağa da biz məcbur etdik. Lakin bu qələbəyə görə çox sevinmək lazım deyil.
– Milli komandanın qol imkanlarını boşa verməsi növbəti oyunlarda əleyhinizə işləyə bilər. Bu problemi aradan qaldırmaq üçün nə etmək fikrindəsiniz?
– Bütün oyunlar bizim xeyrimizə 1:0 bitsə, kifayətdir. Ancaq bu fikirlə razıyam. Hücumçu qol hissiyatı ilə doğulmur. Belə olsa, hər kəs Zlatan İbrahimoviç olardı. Məşqlərdə bunun üzərində işləyəcəyik.
– FİFA Dəniz Yılmazın Azərbaycan bayrağı altında oynamasına icazə verib. Bu haqda nə deyə bilərsiniz?
– Dəniz Yılmaz "Bursaspor"da çıxış edir, amma indi zədəlidir. O ümid edirdi ki, Türkiyə millisində çıxış edəcək, amma Fatih Terim onu çağırmadı. Sözsüz ki, bu cür futbolçunun bizim komandada çıxış etməsi sevindiricidir.
– Norveçlə qarşılaşmada qələbəyə söz verirsiniz?
– Sonuncu dəfə Norveçlə oyunda Azərbaycan ən yaxşı çıxışını nümayiş etdirdi. Üstəlik, bu oyun səfərdə olub. Növbəti ayda da rəqib eyni komandadır. Ancaq üzərimizdə işləyəcəyik və əlimizdən gələni edəcəyik ki, qələbə qazanaq. (Apasport)
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?