Ölkə futbolu
"Neft buruqları" yanır…
“Neftçi” yenə uduzdu. Ardıcıl 5-ci dəfə. Bu d?…
“Neftçi” yenə uduzdu. Ardıcıl 5-ci dəfə. Bu dəfə “ağ-qaralar” yalnız ilk turda qələbə sevinci yaşayan “Sumqayıt”a bayram əhval-ruhiyyəsi yaşatdılar.
Klub tarixində belə bir hadisənin olub-olmadığını statistiklərin ixtiyarına buraxaq. Ancaq reallıq budu ki, 3 məğlubiyyətdən sonra baş məşqçi, icraçı direktor kimi postlarda dəyişiklik edən klub real irəliləyişə nail olmadı.
Bəli, Elxan Abdullayevin əlində belə bir kozır va ki, əvvəlki heyətlə oynayır. Ancaq ən qəribəsi budu ki, Samir Əliyevi Əsgər Abdullayev əvəzləyəndə bir neçə oyunluq oyanış hiss olunmuşdu. Elə Abdullayevin yerini Vəli Qasımov tutanda da bu cür hal yaşanmışdı. İndi isə “Neftçi” rəqiblər üçün çempionatın ən arzuolunan 2 komandasından biridi. AZAL-ın bu cür tale yaşayacağı büdcəsinə görə əvvəlcədən proqnozlaşdırılan idisə, “ağ-qaralar”ın avrokubok zonasına yaxın yerlərdə məskunlaşacağı gözlənilirdi. Amma Vəli Qasımov “medallar uğrunda mübarizə aparcağıq” deyə-deyə özündən sonra “qəbristanlıq” qoyub getdi.
Əvvəl də demişdik, yenə təkrar edirik: “Neftçi”nin ən böyük qüsuru seleksiyadı. Şikov, Melnyak, Kastilya, Tira – bunlar hamısı zay məhsullardı. Elxan Abdullayev əlindəki materialla nə edə bilər? Fərqli sistem tətbiq edəcək? Fiziki durumlarını qaydasına salacaq? Xətlərarası əlaqəni yaxşılaşdıracaq? Deyək ki, bu, 5-10 faizlik irəliləyişə təkan verdi. Məgər 5-10 faizlə nəticə dəyişəcək? Dəyişməyəcək! Məgər qış fasiləsində adlarını sadaladıqlarımız futbolçu olacaqlar? Olmayacaqlar! Məgər onlarla müqaviləyə xitam vermək mümkün olacaq? Əcnəbi oyunçudular, nəylərinə lazımdı ağrımayan başlarına dəsmal çəksinlər. Gül kimi məvaciblərini alacaqlar da.
Faktiki olaraq, mövsüm üçün nəzərdə tutulan transferlər reallaşıb. Qışda 1-2 əlavə oyunçu almaq mümkündü.
“Bir güllə bahar olmaz”, – bu məsəl əbəs yerə çəkilməyib. “Neftçi” üçün mövsüm başlamamış bitib. Bəli, alternativ var və bu barədə aşağıda yazacağıq. Ancaq bəri başdan deyək ki, həmin alternativin uğur gətirmək şansı olduqca aşağıdı. Klub rəhbərliyi sponsorlara müraciət edərək, müəyyən məbləğdə dotasiya xahiş etməlidi. Mövcud iqtisadi böhran zamanı SOCAR buna gedəcəkmi? Ağlabatan variant deyil.
Ən əsası isə kim təminat verə bilər ki, “Neftçi” bu dəfə seleksiya işini daha uğurla aparacaq? Məsuliyyəti üzərinə götürən şəxs tapılacaqmı?
İkinci variant daha ucuz başa gəlir. Ölkəmizdə bir sıra oyunçular var ki, müqaviləylə məxsus olduqları komandalarda əsas heyətə düşə bilmirlər. Potensialları ölkə çempionatında çıxış etmək üçün yetərli olsa da, komanda yoldaşlarına rəqabətdə uduzan bu futbolçuları icarəyə götürmək olar. Belədə xərc daha az olacaq. Ancaq burda da ənənəvi sual yenə baş qaldırır: futbolçu seçərkən, yenidən səhvlər buraxılmayacaq?
Nəhayət, 3-cü variant. “Neftçi” əvəzedici heyətə boylanmalıdı. Əgər sponsorlar səxavət kisəsini açmaqdan imtina etsələr, əminliklə söləmək olar ki, “ağ-qaralar” üçün bu mövsüm avrokubok “qatar”ı getmiş sayılacaq. Belədə, nəticəyə tüpürüb, öz yeniyetmə yetirmələrinə şans tanımaq lazımdı. Necə ki, bu gün “İnter” bunun bəhrəsini görməkdədi.
Bəli, məşqçi üçün bu, riskli addımdı. Bəli, azarkeşlər nəticəni bu gün istəyir. Lakin fanatlara yaranmış vəziyyəti başa salmaq lazımdı. Əgər həqiqətən heyətə perspektivli futbolçular cəlb ediləcəksə, növbəti mövsümə ümidlə baxmağa dəyər.
Hələliksə “neft buruqları” od tutub, yanır. Özü də şiddətlə. Bu alovun qarşısını baş məşqçi və ya məmur dəyişməklə almaq mümkün deyil. Heyət kökündən dəyişdirilməlidi. Amma zamanla, ağılla… Gündə bir icraçı direktor gətirməklə, təyin edilən işə başlamamış onun səlahiyyətlərini başqasına ötürməklə, yeni rəhbər axtarmaqla yalnız sponsoru aldatmaq olar. "Neftçi"də postların bölüşdürülməsi davası tezliklə bitməli, komandaya diqqət ayrılmalıdı.
CEYHUN ƏLİYEV
- Milli komanda2024-05-08 12:17
Millimizin gələcək baş məşqçisi Bakıya gəlir
- Ölkə futbolu2024-05-08 09:27
Georgiyevski “Neftçi”nin nəticələrini qəbulolunmaz sayır: “Qarabağ” nə qədər güclü olsa da…”
- Ölkə futbolu2024-05-08 16:22
PFL-lə “YAŞAT” Fondu arasında anlaşma memorandumu imzalandı
- Dünya futbolu2024-05-08 12:02
“Sabah kimsə necə qalib gəldiyimizi xatırlamayacaq”