Müsahibə
“Qarabağ” “Qəbələ”dən daha keyfiyyətli oyun sərgiləyir”
Premyer Liqanın 8-ci turu çərçivəsində keçiri…
Premyer Liqanın 8-ci turu çərçivəsində keçirilən “Qarabağ” – “Sumqayıt” (3:0) oyunundan sonra qonaqların yarımmüdafiəçisi Afşin İsmailzadə jurnalistlərin suallarını cavablandırıb. Futbolinfo.az sizi iranlı futbolçunun açıqlamaları ilə tanış edir:
– Oyun gözlədiyiniz kimi keçdi?
– Maraqlı oyun oldu. “Qarabağ”ın güclü olduğunu hamımız bilirdik. Üstəlik, zəif çıxış etdik. Demək olar, pis oynadıq. Halbuki, yaxşısını edə bilərdik.
– Fasiləyə qolsuz heç-heçə ilə yollanmağa yaxın idiniz. Nə baş verdi ki, sona az qalmış ardıcıl 2 qol buraxdınız?
– Pis vaxtda qol buraxdıq. Heyətimizin də əksəriyyəti gənclərdir. Qoldan sonra psixoloji baxımdan çaxnaşma yarandı. Bunun üzərində çox işləməliyik. Növbəti oyunlarda belə etmək olmaz.
– Demək olar, oyunu müdafiədə keçirdiniz. Rəqibdən həddindən artıq ehtiyat etmirdiniz?
– Bir az qorxaq oynadıq. “Qarabağ”ın heyətində təcrübəli futbolçular var. Onlar qısa ötürmələrlə əla oynayırlar. Bizdə isə gənclər çoxdu. Buna görə də çox qorxaq oyun nümayiş etdirdik.
– Qarşıdan “Qəbələ” ilə oyun gəlir. Bu dueldə nəyə ümid edirsiniz?
– Bu dəfə öz meydanımızda oynayacağıq. Səhvlərimizin üzərində işləməli, təkrar etməməliyik.
– Bu rəqibin də heyətində təcrübəli və keyfiyyətli futbolçular çoxdu. Bu, sizi qorxutmur?
– Razıyam, onların da heyətində yaxşı futbolçular cəmləşib. Amma “Qarabağ” daha keyfiyyətli futbol nümayiş etdirir. Topu özlərində yaxşı saxlayır, dəqiq ötürmələr verirlər. Bu da bizi yorur. Amma “Qəbələ”yə qarşı yaxşı mübarizə aparırıq.
– Premyer Liqada I dövrə arxada qalıb. Çempionatımızın səviyyəsi barədə nə dünürsüz?
– Açığı, bura gələnə qədər çempionatınızın bu səviyyədə olduğunu düşünmürdüm. Əksinə, fikirləşirdim ki, zəif komandalardı. Amma bura gələndən sonra səviyyənin düşündüyümdən daha yüksək olduğunu gördüm. Milli komandanız da yaxşı oynayır. Norveç və Çexiya ilə oyunları izlədim. Hər iki matçda yaxşı mübarizə apardılar. İnşallah, dünya çempionatına vəsiqə qazanarsız.
– Premyer Liqa klublarından hansını xüsusi qabartmaq istərdiniz?
– “Qarabağ” çox güclü komandadı. Bu komandanın oyununu bəyənirəm. Ötürmələrlə istənilən rəqibi yenəcək gücdədi. Ona görə də qrup mərhələsinə qədər yüksəlirlər.
– Özünüz necə, bu komandada oynayacaq gücdəsiniz?
– Hələ hazır deyiləm. Ordakı futbolçulardan geri qalıram. Amma çalışıram ki, inkişaf edim, daha yaxşı oynayım. Bir qədər inkişaf etsək, niyə də orda oynaya bilməyim.
ELMAR ABDULLA-ZADƏ
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?