Ölkə futbolu
Katalin Tira: “Elə bildim ki, o, “Qarabağ” azarkeşidir”
Dünən baş tutan “Neftçi” – “Qara…
Dünən baş tutan “Neftçi” – “Qarabağ” matçında olay çıxaran Katalin Tira hərəkətinə izah verməyə çalışıb. Bakılıların forvardı qarşılaşmadan sonra jurnalistlərdən qaçsa da, azarkeşə hücum etməsinə aydınlıq gətirib.
Futbolinfo.az xəbər verir ki, rumın futbolçu bunu kubun rəsmi saytına və ya hansısa KİV-ə açıqlama verməyib. O, üzrxahlığını şəxsi “facebook” hesabında yazıb: “Etdiyim hərəkətə görə üzr istəyirəm. Fikrim yalnız komanda yoldaşlarımı müdafiə etmək idi. Elə bildim ki, o, “Qarabağ” azarkeşidir. Öz fanatımız olduğunu düşünmədim”.
Fanatın hansı komandaya azarkeşlik etməsi ona hücum etməyə əsas vermir. Kimliyindən asılı olmayaraq, nə kimsənin meydana çıxmağa haqqı var, nə də futbolçunun ona hücum etməyə. İstənilən halda, Tira ciddi cəzalandırılmalıdı. Maraqlıdı ki, klub bununla bağlı ölçü götürsə də, addımı qəti saymaq olmaz. Çünki paytaxt klubu Katalini heyətdən qovmayıb, onu yalnız məşqlərdən kənarlaşdırıb.
“Neftçi”ni də başa düşmək olar. Tira hələlik məşqlərdən kənarlaşdırılıb, onunla bağlı yekun qərarı vermək üçün hadisələrin səngiməsini gözləyirlər. Məhz ictimai qınağın hansı həddə olması klub rəhbərliyinin yekun qərarına təsir edəcək. Onunla müqavilənin pozulmasının hansı fəsadara səbəb olacağını hesablayırlar. Futbolçunun müqaviləsində bu kimi hərəkətlərə görə anlaşmanın birtərəfli pozulması il bağlı bənd olmalıydı. Varsa, elə bu gün rumın birdəfəlik qovula bilər, yoxdusa, klub təzminatdan qaçmaq üçün səbr etməyə məcburdu.