I Liqa
Birinci Divizionda ayın ən yaxşı qolu seçildi – VİDEO
Peşəkar Futbol Liqası Topaz Premyer Liqası ilə yanaşı, Birinci …
Peşəkar Futbol Liqası Topaz Premyer Liqası ilə yanaşı, Birinci Divizion yarışlarını da daim diqqətdə saxlayır. Futbolinfo.az xəbər verir ki, PFL artıq Birinci Divizionda ayın ən yaxşı qolunu müəyyənləşdirir.
Birinci Divizionda vurulan ən yaxşı qolu (5 qol arasından) azarkeşlər, idman jurnalistləri və Peşəkar Futbol Liqası səsvermə yolu ilə seçib. Ay ərzində vurulan ən yaxşı 5 qolun videosu Peşəkar Futbol Liqasının rəsmi saytında yerləşdirilib. Azarkeşlər sayta daxil olub, ən yaxşı qolu müəyyənləşdirmək imkanına malik olublar.
PFL-in rəsmi saytında azarkeşlər arasında keçirilən sorğunda ən çox səsi Qeyrət Qənbərov toplayıb (68 faiz).
Lakin jurnalistlər arasında sorğuda qalib “Şərurspor”dan Fərmayıl Əliyev seçilib.
Belədə yekun nəticəni PFL-in əməkdaşları müəyyənləşdiriblər. Nəticədə ayın ən yaxşı qolunun müəllifi “Şəmkir”dən Qeyrət Qənbərov olub.
Bu gün keçiriləcək “Şəmkir” – MOİK oyunundan öncə Qənbərov mükafatlandırılacaq. Ona mükafatı PFL-in İnformasiya və İctimaiyyətlə Əlaqələr Departamentinin rəhbəri Aslan Şahgəldiyev və Texniki-İdman şöbəsinin rəisi Zamiq Hüseynov təqdim edəcəklər. Bu məqsədlə adıçəkilən hər iki şəxs Şəmkirə yollanıb.
Qeyd edək ki, ayın ən yaxşı qolu nominasiyasında digər namizədlər MOİK-dən Orxan Həsənov, “Şərurspor”dan Mehman Məmmədov və “Şahdağ”dan Habil Nurəhmədov idi.