Layihə

Belfastdan xal(lar)la qayıtmaq olar – NİYƏ DƏ YOX?

Milli komandamızın Şimali İrlandiyaya qarşı dünya çe…

Saat: 11:31 Tarix: 08/11/2016

tərəfindən paylaşıldı

Milli komandamızın Şimali İrlandiyaya qarşı dünya çempionatının seçmə qrup mərhələsinin 4-cü turu çərçivəsində baş tutacaq oyununa 3 gün qalır. Cari tsiklə əla başlayan Robert Prosineçkinin yetirmələri bu gün Belfasta yola düşüb.

İlk 3 qarşılaşmada San-Marino və Norveçi məğlub edən, Çexiya ilə heç-heçəyə imza atan yığmamız tarixində ilk dəfə qrup ikinciliyinə iddiasını ortaya qoyub. Bu yolda Belfastda noyabrın 11-də baş tutacaq oyun millimiz üçün olduqca böyük önəm kəsb edir. Çünki bu görüşün dəyəri 6 xaldı. Hazırda yığmamızdan 3 xal geridə olan Maykl O Nilin rəhbərlik etdiyi komanda qalib gələcəyi təqdirdə turnir cədvəlinin 2-ci pilləsinə yüksələcək.

Aydın məsələdi ki, “Uindzor Park”dan futbolçularımız 3 xalla ayrılsa, qısa marafon olduğunu nəzərə alsaq, bu komandalar arasında xal fərqi astronomik həddə çatacaq. Bəs, rəqib düşərgədən kimlərdən ehtiyatlanmalı, hansı taktiki sxemdən istifadə etməli, rəqib qapısının torunu silkələmək üçün hansı addımları atmalıyıq ki, daha faydalı olsun?

Britaniyalıların sıralarına nəzər saldıqda, ən çox diqqətçəkən fiqur komandanın kapitanı Stiven Devisdi. İngiltərə “Sautgempton”unda forma geyinən mərkəz yarımmüdafiəçisi Şimali İrlandiya millisinin düşünən beynidi. Milli formada meydana çıxdığı 90 qarşılaşmada o, 9 qola imza atıb. Bəstəboy yarımmüdafiəçinin (172 sm) əsas kozırı dirijorluq bacarığıdı.

İngiltərədə çıxış edən və Şimali İrlandıya yığmasının aparıcı fiqurlarından sayılan daha bir futbolçu Stüart Dallasdı. Onun cinah reydləri və sonradan cərimə meydançasına hava ötürmələri istənilən rəqib üçün başağrısına çevrilir. Bu üzdən də Maksim Medvedevin (Rəşad Sadıqovla Bədavi Hüseynovun mərkəz müdafiəçisi mövqeyində oynayacaqları təqdirdə) üzərinə böyük yük düşəcək.

Belədə, sağ cinah yarımmüdafiəçisi mövqeyinin hansı futbolçumuza tapşırılacağı olduqca böyük önəm kəsb edir. Etiraf edək ki, Çexiya ilə səfər qarşılaşmasında Namiq Ələsgərov komandamızın sıralarında ən zəif bənd idi. Elə son “Zirə” matçında da “Qarabağ”ın vingeri təkcə ilk yarıda 9 dəfə top itkisi ilə yadda qaldı ki, Stiven Devisin səviyyəsi ilə “Zirə”dəki futbolçuları müqayisə etmək bir qədər ədalətsizlik olar. Yəqin ki, Prosineçki bu dəfə sağ cinah vingeri mövqeyini daha sürətli və mobil Ruslan Qurbanova etibar edəcək.

Sağ vingerimizlə bağlı qeydlər etməyə bizi vadar edən Şimali İrlandiyanın sol cinah müdafiəçisi Şeyn Fergüsondu. Hücuma fəal şəkildə qoşulmağı sevən 25 yaşlı futbolçu da “eyni bulaqdan su içib”: top mütləq havayla cərimə medançasına ötürülməlidi.

Ümumiyyətlə, Şimali İrlandiya yığması Britaniya üslubuna sadiq komandadı. Maykl O Nilin komandasının vizit vərəqi cinah hücumları və sonra cərimə meydançasının “2-ci mərtəbəsi”ndə mübarizədi. Maksimin üzərinə düşən yükü yüngülləşdirmək üçün mütləq qaydada Qara Qarayevin bir gözü də sağ cinahımızın üzərində olacaq. Doğrudu, “yaşıllar” mərkəzlə hücum qurmağı sevmir və cərimə meydançamıza bu sahədən basqı ediləcəyini gözləmirik. Lakin bu, o demək deyil ki, Rəşad Sadıqovla Bədavi Hüseynov rahat-rahat bir masa açıb, cərimə meydançamızda qəhvə içə bilərlər. Əksinə, adını çəkdiyimiz tandem xeyli fiziki güc sərf etməli olacaq. Çünki hər hava ötürməsindən sonra, loru dillə desək, tullanıb-düşməli olacaqlar.

Nə qədər qəribə səslənsə də, Robert Prosineçkini ən çox qayğılandıran məqam rəqibin hansısa düşünülmüş kombinasiyalarının qarşısını almaq yox, cərimə meydançasına hava ötürmələrinin sayının azaldılması olacaq. Əlbəttə, boy sarıdan britaniyalılara uduzan futbolçularımız üçün əsas yardımçı Kamran Ağayev olacaq. Milli qolkiperimiz hazırda ideal formadadı və inanmaq istəyərdik ki, cari tsikldəki 270 dəqiqəlik quru seriyasını 360 dəqiqəyə çatdıra biləcək.

Rəqib komandanın ağrılı yeri müdafiə xəttidi. Britaniya təmsilçisi 1-ci nömrəylə oynamağı sevmir. Çünki mərkəzdən hücum qurmaqda bu komandanın ciddi sıxıntıları var. Lakin millimizlə görüşdə onlar hücum etməyə məhkumdular. 2 eşelonlu müdafiə xəttini yarmaq üçünsə meydan sahiblərinin texnikası yetərli səviyyədə deyil. Doğrudu, San-Marino ilə matçda Şimali İrlandiya rəqib qapısından 4 cavabsız top keçirib. Lakin “cırtdanlar”ı bugünkü Azərbaycanla müqayisə etmək düzgün olmaz. “Dəmir beton”u yarmaq isə onların dişlərinə görə deyil.

Deməli, meydan sahibləri daha böyük qüvvəylə irəli atılmalı olacaq. Nəticədə, Ruslan Qurbanov, Ramil Şeydayev, Ağabala Ramazanov üçün boş zonalar açılacaq. Sürətli futbolçu üçün bundan böyük hədiyyə ola bilməz. Yəqin ki, Prosineçki rəqib qolkiper Maykl Makqovernin ən zəif cəhəti barədə də yetirmələrinə məlumat verəcək. Bu qapıçı topu iki toxunuşla tutmağa alışıb. Yəni, istər uzaqdan zərbələr, istərsə də hava ötürmələri zamanı topu əlindən buraxıb, ikinci hərəkətlə onu tutmağa meyllidi. Deməli, hücumameylli futbolçularımız rəqib qolkiper hər dəfə oyuna müdaxilə etdikdə topa sarı şığımalıdılar. Əvvəla, bu hərəkətləri ilə onu daim psixoloji təzyiq altında saxlayacaqlar, ikincisi də “işləməyən dişləməz”. Yəni, hər dəfə cəhd etsələr, əvvəl-axır bəhrəsini görəcəklər.

Əlbəttə, bütün dediklərimiz kağız üzərində qalacaq və hər şey meydanda həll olunacaq. Ancaq rəqibin təhlili və buna uyğun taktikanın seçilməsi uğurun təməlidi. Robert Prosineçkiyə isə inanmamaq üçün heç bir əsasımız yoxdu. Çünki o, bunu ilk 3 qarşılaşmada artıqlaması ilə sübuta yetirib.

CEYHUN ƏLİYEV

Əlaqəli xəbərlər:

Reklam

Ölkə futbolu2024-04-22 08:00

İddialıların “autsayder ovu”

Ölkə futbolu2024-04-21 11:50

Rəfiyev “Sabah” üçün plan qurub: rəqibinin rəqibini stimullaşdırır

Ölkə futbolu2024-04-21 10:19

Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq

Ölkə futbolu2024-04-22 08:34

Musa “Yurqorden” dəftərini bağladı?

Futbolinfo.az

Belfastdan xal(lar)la qayıtmaq olar – NİYƏ DƏ YOX?

Reklam

Azərbaycanın üç boksçusu AÇ-də günü qələbə ilə başa vurdu

AÇ: Azərbaycan paraüzgüçüsü gümüş medal qazandı

Azərbaycan komandası dünya birinciliyində çıxışını başa vurub

“Azərreyl” ölkə çempionu oldu

Lider əsas izləyicisini də məğlub etdi

“Barselona”nın futbolçusu üçün mövsüm başa çatdı

Daha 2 sabiq futbolçunun adı Premyer Liqanın Şərəf Zalına daxil edildi

Azərbaycan boksçusu AÇ-də erməni rəqibini məğlub etdi

I Liqada növbəti 2 turun proqramı açıqlandı

“Neftçi”nin əvəzediciləri xal itirdi, “Sabah-2” qələbə qazandı

“Udineze”də yeni baş məşqçi

“Borussiya” keçmiş əməkdaşını geri qaytardı

Bakının namizədliyi irəli sürüldü – 2026-cı ildə dünyanın “İdman Paytaxtı” olmaq üçün

“Real”ın qələbəsini ulduzlar da qeyd etdi

“Çox səhvlər etdik”

Millimizin üzvü “Dinamo”ya qarşı oynadı

Vinisius “el klasiko”larda ən çox qol vuran braziliyalı futbolçu oldu

Basketbol Liqasında müntəzəm mövsümün son turunun proqramı açıqlandı

“Real”ın futbolçusu “el klasiko”nun tarixinə düşdü

Azərbaycan millisi Avropa Kubokunda dördüncü oldu

Azərbaycan çempionatı keçiriləcək

Azərbaycan stolüstü tennisçiləri beynəlxalq yarışlara qatılacaqlar

MBA ilin nominantlarını açıqladı

MHL-də 1970-ci ildən bəri bir ilk

Şahmatda yeni dünya rekordu

Məşhur yapon Kurtua ilə bir yerdə oyun izlədi

Rıbakinanın uğuruna Tokayev də biganə qalmadı

Yarımfinal oyunları canlı yayımlanacaq

ATP reytinqində ciddi dəyişiklik olmadı

Fişer: “AFFA-dan təklif almamışam”

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm