Premyer-liqa
"Qarabağ" qalib gəldi, "Qəbələ" Zirədə büdrədi
Bu gün Topaz Premyer Liqasında 18-ci tura start verilib. Futboli…
Bu gün Topaz Premyer Liqasında 18-ci tura start verilib. Futbolinfo.az xəbər verir ki, ilk oyun günündə iki görüş baş tutub.
Turun açılış matçında son çempion və lider "Qarabağ" səfərdə "Kəpəz"lə üz-üzə gəlib. Əzəli rəqiblərin duelində gözlənildiyi kimi, Ağdam klubu minimal hesablı qələbəyə sevinib.
Günün digər görüşü isə liderin əsas izləyicisi "Qəbələ" ilə son mövsümün gümüş mükafarçısı "Zirə" arasında keçirilib. Dörd qolun vurulduğu görüşdə hesabı qonaqlar açıblar. Amma fasilədən sonra zirəlilər hesaba tarazlıq gətiriblər. 75-ci dəqiqədə "Qəbələ"nin yeni transferi Rasim Ramaldanov debüt oyununda ikinci sarı vərəqə alaraq meydandan qovulub. Buna baxmayaraq, Premyer Liqanın bombardiri Filip Ozobiç qonaqları yenidən hesabda önə keçirməyə nail olub. Yenə də ruhdan düşməyən zirəlilər görüşə əlavə edilmiş dəqiqələrin də bitiminə az qalmış bərabərlik qoluna imza atıblar. Beləcə, bu oyun heç-heçə başa çatıb və "Qəbələ" çempionluq yolunda ağır zərbə alıb.
Topaz Premyer Liqası
18-ci tur
12 fevral
“Kəpəz” – “Qarabağ” – 0:1 (0:0)
Qol: M.Mədətov, 64 (0:1).
Hakimlər: Ömər Paşayev, Namiq Hüseynov, Vüqar Bayramov, Orxan Məmmədov.
Gəncə şəhər stadionu.
“Kəpəz”: 30. Davud Kərimi, 21. Novruz Məmmədov, 13. Şəhriyar Rəhimov, 25. Şəhriyar Əliyev, 15. Azad Kərimov, 5. Kərim Diniyev, 18. Tural Axundov (k), 17. Nicat Qurbanov, 10. Dario Federiko, 19. Orxan Əliyev, 90. Julien Ebah.
Ehtiyat oyunçular: 88. Tadas Simaitis, 77. Serjinyo, 23. Tural Nərimanov, 80. Tural Rzayev, 6. Ceyhun Cavadov, 7. Vüqar Bəybalayev, 68. Əli Nuri.
Baş məşqçi: Şahin Diniyev.
“Qarabağ”: 13. İbrahim Şehiç, 2. Qara Qarayev, 5. Maksim Medvedev (k), 8. Markos Madera, 10. Muarem Muarem, 11. Mahir Mədətov, 18. İlqar Qurbanov, 20. Riçard Almeyda, 22. Əfran İsmayılov, 25. Ansi Aqolli, 55. Bədavi Hüseynov.
Ehtiyat oyunçular: 12. Şahruddin Məhəmmədəliyev, 6. Dino Ndlovu, 15. Rahid Əmirquliyev, 21. Arif Daşdəmirov, 32. Elvin Yunuszadə, 44. Ağabala Ramazanov, 91. Coşqun Diniyev.
Baş məşqçi: Qurban Qurbanov.
“Zirə” – “Qəbələ” – 2:2 (0:1)
Qollar: D.Subotiç, 37 (0:1). V.İqbekoyi, 54 (1:1). F.Ozobiç, 85 (1:2). R.Qadze, 90+4 (2:2).
Qırmızı vərəqə: R.Ramaldanov, 75.
Hakimlər: Əliyar Ağayev, Zeynal Zeynalov, Rza Məmmədov, Rauf Cabbarov.
Zirə İdman Kompleksinin stadionu.
“Zirə”: 1. Anar Nəzirov, 23. Yovan Krneta, 5. Adil Nağıyev, 39. Sadiq Quliyev, 16. Akim Latifu, 28. Təmkin Xəlilzadə, 6. Vüqar Mustafayev, 11. Viktor İqbekoyi, 7. Amadu Sanqar, 10. Elvin Məmmədov (k), 43. Riçard Qadze.
Ehtiyat oyunçular: 85. Kamal Bayramov, 13. Aleksandr Şemonayev, 92. Cavid Tağıyev, 9. Nurlan Novruzov, 44. Migel Lorenso, 8. Milan Duriç, 32. Sahil Cəfərov.
Baş məşqçi: Ayxan Abbasov.
“Qəbələ”: 22. Dmitri Bezotosnı, 3. Voyislav Stankoviç, 5. Rasim Ramaldanov, 7. Nika Kvekveskiri, 9. Sergey Zenyov, 10. Ruslan Qurbanov, 14. Cavid Hüseynov (k), 19. Filip Ozobiç, 31. Daniel Subotiç, 34. Ürfan Abbasov, 88. Tellur Mütəllimov.
Ehtiyat oyunçular: 33. David Petrkeviç, 4. Elvin Camalov, 17. Məhəmməd Mirzəbəyov, 18. Baqali Dabo, 21. Roman Hüseynov, 27. Teo Viks, 77. Araz Abdullayev.
Baş məşqçi: Roman Qriqorçuk.
Turun digər oyunları sabah keçiriləcək: AZAL – “İnter”, “Neftçi” – “Sumqayıt”.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Ölkə futbolu2024-04-29 20:00
“Baku Sportinq”dən növbəti darmadağın
- Dünya futbolu2024-04-29 18:32
Palladino iddialı komandadan dəvət gözləyir