Müsahibə
Samir Abasov: "Bu oyundan sonra 4-cü yer haqda düşünmək istəmirik"
"Sumqayıt"ın baş məşqçisi Samir Abasov Topaz Pre…
"Sumqayıt"ın baş məşqçisi Samir Abasov Topaz Premyer Liqasının 21-ci turu çərçivəsində "Qarabağ"a qarşı keçirdikləri oyunu şərh edib. Futbolinfo.az xəbər verir ki, sumqayıtlıların çalışdırıcısı 0:4 hesabıyla bitən qarşılaşmadan sonra bunları söyləyib:
– Bu oyun "Sumqayıt”a bir cavab oldu. Arzuladığımız bir şey var, bir də reallıq. Avroliqa haqda düşünürdük. Bugünkü oyun göstərdi ki, avrokubokdan danışmaq tezdir. Oyun ərzində elə epizodlar oldu ki, məni susmağa vadar etdi. İnanmıram ki, gələcək turlarda belə oynayacağıq. Bu oyundan sonra 4-cü yer haqda düşünmək belə, istəmirik. Bu baş versə, təsadüfə bağlayarsınız.
– Bu gün sistemi dəyişdiniz, 4 müdafiəçi ilə oynadınız…
– Beş müdafiəçi ilə oynadığımız kubok oyununu yada salın, 6 qol buraxmışdıq. Sistemi bir qırağa qoyun, uşaqlar həyəcanlı idi.
– Adətən sərkərdəsi həyəcan keçirən əsgər qorxur. Rəqibdən çəkinirdiniz?
– Xeyr, qətiyyən. Ancaq belə alındı. Uşaqlar elə səhvlər etdi ki, deməyə söz yoxdur.