Müsahibə
Daniel Seqoviya: "Neftçi"də motivasiyaya ehtiyac yoxdu"
"Neftçi"nin hücumçusu Daniel Seqoviya Top…
"Neftçi"nin hücumçusu Daniel Seqoviya Topaz Premyer Liqasının 21-ci turu çərçivəsində "Zirə"yə qarşı keçirdikləri oyundan (1:2) sonra futbolinfo.az saytının suallarını cavablandırıb:
– Bu gün oyuna yaxşı başlamadıq. İkinci hissədə öz oyunumuzu tapdıq və qol vurduq. Amma toparlana bilmədik. Ardıcıl qollar buraxdıq. Oyunu özümüz uduzduq. Rəqib səhvlərimizdən yararlandı. “Zirə” böyük bir şey etmədi.
– Hesabı açsaz da, erkən qol buraxdız. Komandada eyforiya yaranmışdı?
– Qol vurduq, amma qapımızda erkən qol gördük. “Neftçi” kimi komanda dərhal qapısında erkən qollar buraxmamlıdır. Belə qolları buraxmamalıyıq. Belə qollar buraxsaq, çempionluq uğrunda müarizə apara bilmərik. İnanıram ki, gələn oyunlarda belə qollar buraxmarıq.
– Birinci hissədə niyə oyununuz zəif alındı?
– Birinci və ikinci hissələrdə fərq oldu. Komandada nəsə çatışmırdı. Baş məşqçimiz fasilədə bizə müəyyən tapşırıqlar verdi. Çatışmayanları bizə izah etdi. Bunun da nəticəsində 2-ci hissədə yaxşı oyun sərgilədik. Amma qapımızda öz səhvlərimizdən qol buraxdıq. Rəqib ilk qoluna qədər təhlükəli vəziyyət yaratmamışdı.
– Maksim Vaylo dəfələrlə səhvə yol verib. Növbəti oyunlarda Vaylo qapını qoruyanda komandada inamsızlıq yaranmayacaq?
– Günahı Vaylonun üzərinə yıxmaq olmaz. Elə oyun ola bilər ki, qapıçı yaxşı oynaya bilər. Qapıçı bəzən səhvlərə də yol verə bilər. Bu gün Maksimin günü deyildi. Birgə qalib gəldiyimiz kimi, komanda şəklində uduzuruq.
– “Neftçi” qış fasiləsindən sonra yaxşı başlamışdı və komandaya inam yaranmışdı. Artıq “Zirə” ilə 9 xallıq fərq var. Bu gün həmin inamı itirmədiz?
– Azarkeşlərimizə səslənirəm və bildirirəm ki, dəstəklərini əsirgəməsinlər. Qalan oyunlarda maksimum nəticələr əldə etmək üçün yanlarımızda olmaları vacibdir.
– Çempionat oyunları üçün motivasiya qalıb? Ümid ancaq ölkə kubokunadır…
– Peşəkar oyunçuyam və uşaq yaşlarımdan beynimə həkk olub ki, bütün oyunlara qələbə əzmi ilə çıxım. “Neftçi” elə komandadır ki, motivasiyaya ehtiyac yoxdur. İstər kubok, istərsə də çempionat oyununa qalib gəlmək üçün çıxmalısan. Mən inanıram ki, komandamız son oyuna kimi motivasiyalı olacaq.
ELMAR ABDULLA-ZADƏ
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?