Milli komanda
Şübhəli Doha matçı
Milli komandamızın Doha qələbəsi hamını sevindirdi. Oyunun sata…
Milli komandamızın Doha qələbəsi hamını sevindirdi. Oyunun satatusundan, rəqibin gücündən asılı olmayaraq, qələbə hər zaman sevinc gətirir və buna ölkənin əsas komandası imza atırsa, daha xoş olur.
Lakin Qətərlə matçın ətrafında elə aura yaradıldı ki, nə qələbəyə sevindik, nə komandayla qürur duyduq. Sanki dağıstanlılardan formalaşdırılmış milli komandanı bilərəkdən gözdən-könüldən uzaq saxladılar. Nə oyundan hansısa görüntü var, nə də hansısa ciddi informasiya. Elə bil bu, millilər səviyyəsində matç yox, 2 məhəllə komandasının qarşlaşması olub.
Qətər tərəfinin istəyi ilə oyunun ictimaiyyətə tam qapalı keçirilməsi tələbi aydındı, bəs, bizimkilər niyə buna razılıq verib? Ərəblər qarşıdakı seçmə oyunlarda əsas rəqiblərindən gizlənir, bəs,biz? Yoxsa Almaniya millisi üçün sürpriz hazırlayırıq?
AFFA-nın oyunu işıqlandırmaq üçün heç bir media mənsubuna şəraiət yaratmaması başadüşüləndi – bəhanələri var: ərəblər belə istədi! Əvəzində AFFA-nın rəsmi saytı qarmaqarışıq, eyni zamanda özlərinə sərf edən açıqlamalarla, xəbərlərlə gündəmə düşmək istədilər. Azarkeşlərin stadiona buraxılmaması, onların könlünü Robert Prosineçkinin alması və s. Halbuki oyunun qapalı təşkili ilə bağlı öncədən heç bir xəbərdarlıq edilməmişdi. Edilsəydi, Azərbaycandakılar bir yana, Qətərdə yaşayan həmyerlilərimiz bundan xəbər tutar, ayaqlarına əziyyət verməzdilər.
Bütün gizlinlərin içində şübhələr də var. AFFA qapalı görüşün meydan sahiblərinin istəyi ilə olduğunu deyir və qətərlilərin rəqiblərindən gizlənmək istəyi ilə bağlayır. Lakin bizim də şübhələrimiz var.
Məsələn, düşünürük ki…
…Bu oyun böyük “stavka”lar üçün oynanılıb və bukmeker kontorlarında bir qrup insanın pul qoyuluşuna hesablanıb. İddiamızı əsaslandıracaq səbəblər də var. Əvvəla, oyun qələbəsi daha az proqnozlaşdırılanın – qonağın üstünlüyü ilə bitib. Bundan başqa, ilk yarısı qolsuz bitən matç fasilədən həmən sonra, qısa müddətdə “üst” gətirilib. Qalan vaxtda hesabın dəyişməməsinin əmsalı da fantastik olub.
Məsələn, düşünürük ki…
…Bu oyun şeyxlər üçün “qladiator döyüşü” olub. Onlar hər iki tərəfin uduşlu çıxmasına hesablanan insan döyüşündə canlı əyləncənin şahidi olublar. 90 dəqiqə istirahət ediblər, eyni zamanda dünyanın müxtəlif nöqtələrində bukmeker kontorlarına yatırdıqları pulların neçə misli ilə geri qayıtdığını canlı izləyiblər.
Məsələn, düşünürük ki…
…Belə “oyun”a qol qoymaq AFFA-ya da sərf edib. Onların ərəblər kimi “stavka”ya razılaşdıqlarını iddia etmirik – halbuki bu da istisna deyil, çünki AFFA rəhbərliyinin də yemək üçün ağzı var. Zənnimizcə, AFFA-nın buradan əsas qazancı qarşıdakı Hesabat Konfransı öncəsi yaratdıqları ab-havadı. 2016-nın hesabatını verərkən və yeni büdcəni təsdiq edərkən ortaya fakt qoymalısan.
Baş katib Elxan Məmmədovun kurasiyasında olan uşaq futbolunda vəziyyət faciəvidi: hər tur texniki məğlubiyyətlər, dağılan komandalar, biabırçı hesablar. Ən əsası, uşaq futbol liqalarının fəaliyyətinin nəticəsində milli komandalarımızda hansısa istedad nəslini görmürük, daha çox milliləşənlərə möhtacıq.
Klub futbolu iflic olub. Milyonlar xərclənən “Neftçi”ylə dilənçi kökündə yaşayan AZAL eyni durumdadı. Və ən əsası, çempionluq uğrunda mübarizə aparanlar, avrokuboklarda tarix yazanlar şuralaşmaya getməyənlərdi. Müşahidə Şurasının mövcud olduğu, AFFA-nın yardım göstərdiyi komandalar isə dövlətin pulunu dağıtmaqla məşğuldu.
Hakimlik bərbad vəziyyətdədi. Az qala hər turdan sonra söz-söhbət, qalmaqal, münaqişələr sıralanır.
Bütün bunları nəzərə alsaq, konfrans üçün bu tədbirdən bir həftə öncə qazanılan səfər qələbəsi əla reklam vasitəsi olacaq.
Bütün bunlar bizim iddialarımızdı və müəyyən informasiyalarımızın məcmusudu. Yaxın günlərdə oyunun hansı kontorlarda canlı oynandığı haqda fotofaktları da təqdim edəcəyik, hazırda dəqiqləşdirmə aparırıq. Əsas odur ki, bukmeker oyunu, şeyx əyləncəsi və konfransöncəsi gediş – hamısı birlikdə hər iki tərəfin maraqlarına xidmət edirdi. Matçı Azərbaycan millisi qazansa da, bu oyunda heç kim uduzmadı. Ərəb futbolçular (bəlkə elə bizimkilər də) oyunun lazımi hesabla bitməsi üçün lazım olanı etdilər.
FƏRİD
P.S.: Qətər – Azərbaycan oyunu başlayarkən “CBC Sport”da “Səbail” – “Turan Tovuz” matçını izləyirdim. Milli komandanı hətta divizion klublarından da əhəmiyyətsiz duruma düşürən AFFA bu kanalın əsas sahibidi.
P.P.S.: Dünən həm də AFFA-nın mətbuat xidmətinin rəhbəri Mikayıl Nərimanoğlunun ad günü idi. 52 yaşlı həmkarımızı millimiz elə 52-ci dəqiqədə vurduğu qolla sevindirdi. Mikayıl bəy sıradan biri deyil, Gəncə futbolunun kurasiyası ona tapşırılıb, bəlkə qətərlilərlə razılaşmada ona qapalı məkanda ad günü keçirmək də var imiş?
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Ölkə futbolu2024-04-29 20:00
“Baku Sportinq”dən növbəti darmadağın
- Dünya futbolu2024-04-29 18:32
Palladino iddialı komandadan dəvət gözləyir