Ölkə futbolu
Bəhram Bağırzadə ifşa etdi: “Hamı söyürdü, yanındakıları tapdalayırdı…”
Azərbaycan – Almaniya oyunundakı bilet problemi heç də…
Azərbaycan – Almaniya oyunundakı bilet problemi heç də sıradan olay deyildi. AFFA ciddi problem olmadığını bəyan etsə də, əslində, əziyyət çəkən çox insan olub.
“Neftçi”nin Müşahidə Şurasının sabiq üzvü, fəal futbol azarkeşi Bəhram Bağırzadə də bununla bağlı sosial şəbəkədə status paylaşıb. O, bir azarkeşin ona yazdığını hamı ilə bölüşüb:
“Axşamınız xeyir. Bu gün Azərbaycan – Almaniya matçına bilet almışdım. Bir futbol azarkeşi olaraq uşaq kimi sevincək idim. Matça dostumla getmişdim. Oradakı bütün yoxlamalardan keçdik. Hətta biletlərin kodlarını da yoxlayıb bizi stadiona buraxdılar. Biz üçüncü sektorda idik və tıxacla birtəhər oyuna 10 dəqiqə qalmış oraya çatdıq. 3-cü sektora yanaşanda isə bizi içəri buraxmadılar və dedilər ki, artıq yer qalmayıb. Matçın başlamasından 15 dəqiqə keçəndən sonra bizi nəhayət ki, buraxmağa başladılar. Lakin biz dəhşətli basabasla yuxarı qalxdıqda növbəti sürprizlə qarşılaşdıq. Bizə dedilər ki, yer yoxdur və kənara çəkilməlisiz. Həmin vaxt isə artıq basabas daha da dəhşətli həddə çatmışdı. Hamı söyürdü, yanındakıları tapdalayırdı, özünü anlaşılmaz bir tərzdə aparırdı. Bir sözlə, mənim bir sualım var: biletim ola-ola mənim yerimdə kim oturmuşdu və niyə mən həmin ayaq üstə qalan kütlənin içində olmalı idim? Məni düzgün başa düşün, təkcə özümə görə mütəəssir deyiləm. Həmin o kütlənin içində qalan balaca uşaqlara görə daha çox həyəcan keçirdim. Hansı ki, dəhşətli basabasa düşdüklərinə görə ağlayırdılar, böyüklərin söyüşlərini dinləmək məcburiyyətində qalmışdılar. Belə görünürdü ki, pulunu havaya sovuran təkcə mən və dostum deyildi, belə aqibətlə üzləşən xeyli insan var idi. Biletləri əllərində ayaq üstə dayanmışdılar. Onların yerində isə kimlərsə oturmuşdu. Özü də bu, hər addımda biletlərin yoxlanıldığı bir arenada baş vermişdi. Bir sözlə, bu vəziyyətlə üzləşdiyimə görə qətiyyən özümdə deyiləm. Dostumla birgə təxminən 50 dəqiqə həmin ayaq üstə qalan kütlənin içində dayandıqdan sonra sadəcə, geri dönüb evə qayıtmalı olduq”.
Maraqlıdı, AFFA buna nə cavab verəcək? Axı, bu dediyiniz kimi, “mətbuatın uydurması” deyil, tanınan şəxsin, həqiqi azarkeşin qeydləridi. Yəni, bu yazılanlardan sonra da həqiqətən problem olmadığını deyəcəksiz?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”