Ölkə futbolu
Elxan Məmmədov bu gün UEFA İcraiyyə Komitəsinə üzv seçilə bilər
Bu gün Finlandiyanın paytaxı Helsinkidə UEFA-nın 41-ci Nö…
Bu gün Finlandiyanın paytaxı Helsinkidə UEFA-nın 41-ci Növbəti Konqresi keçiriləcək. Futbolinfo.az xəbər verir ki, Bakı vaxtı ilə saat 15:00-da başlayacaq tədbirdə qurumun İcraiyyə Komitəsinə seçkilər də baş tutacaq.
Kipr Futbol Assosiasiyasının fəxri prezidenti Marios Lefkaritisin namizdəliyini geri götürməsindən sonra 8 yer uğurunda 12 namizəd mübarizə aparacaq ki, onların arasında AFFA-nın baş katib Elxan Məmmədov da var. O, Zbiqnev Bonek (Polşa), Kayrat Boranbayev (Qazaxıstan), Con Delani (İrlandiya), Armand Duka (Albaniya), Devid Gill (İngiltərə), Raynhard Qrindel (Almaniya), Karl-Erik Nilsson (İsveç), Kiran O Konnor (Uels), Miçele Uva (İtaliya), Mixael van Praaq (Hollandiya) və Servet Yardımcı (Türkiyə) ilə mübarizə aparır. Məmmədov seçkilərdə uğur qazanacağı halda, UEFA-da yüksək post tutan ilk azərbaycanlı olacaq.
UEFA-ya üzv olan 55 milli assosiasiyanın nümayəndələrinin iştirak edəcəyi konqressin gündəliyində İcraiyyə Komitəsinə növbəti 4 il müddətinə yeni üzvlərin seçilməsi ilə yanaşı, FİFA Şurasına Avropadan növbəti 4 il müddətinə 4 nəfər, 2 illik müddətinə isə 1 nəfərin seçkisi də var. Deyan Saviçeviç (Çernoqoriya), Kostakis Kutsokuminis (Kipr) və Şandor Çanyi (Macarıstan) 4 il müddətinə namizədliyini irəli sürüb. 2 il müddətinə seçkidə isə Almaniya Futbol İttifaqının sabiq prezidenti Volfanq Nirsbaxı onun sələfi Raynxard Qrindelin əvəzləyəcəyi gözlənilir.
Həmçinin toplantıda UEFA prezidenti Aleksander Çeferin və İcraiyyə Komitəsinin hesabatları dinləniləcək.
Qeyd edək ki, İcraiyyə Komitəsi UEFA-nın ali operativ idarəetmə orqanı sayılır. Bura qurumun prezidenti Aleksandr Çeverin, 5 vitse-prezident – Anxel Mariya Vilyar (İspaniya), Marios Lefkaritis (Kipr), Cankralo Abete (İtaliya), Qriqori Surkis (Rusiya), Mixael van Praq (Hollandiya), eləcə də 10 sıravi üzv daxildi.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”