Ölkə futbolu
"Neftçi"nin azarkeşləri bəyanat yaydı, sponsorlardan diqqət istədi
"Neftçi"nin azarkeşləri ilə münaqişəsi dər…
"Neftçi"nin azarkeşləri ilə münaqişəsi dərinləşir.Klub susqun qalsa da, fanatlar sıralanan uğursuzluqları rəhbərliyə bağışlamaq istəmır.
"Sumqayıt"la səfər oyunundakı 0:2 məğlubiyyət zamanı "Forza Neftçi" azad azarkeş qrupunun baş məşqçi Elxan Abdullayevi istefaya səsləməsi klubun azarkeşlərlə iş üzrə koordinatoru Kənan Hənifəyeivin vəzifəsindən kənarlaşdırılması ilə nəticələndi. Buna cavab olaraq azarkeşlər "Qarabağ"la kubok oyununda da eyni addımı atdı. Qolsuz bitən cavab yarımfinal matçının gedişində fanatların yenidən istefa şüarları səsləndirməsi bu dəfə baş məşqçini hövsələdən çıxardı. Abdullayevin mətbuat konfransında azarkeşləri tənqid etməsi, onları "xuliqan dəstəsi" adlandırması əsəbləri tarıma çəkdi. Bu dəfə fanatlar sosial şəbəkələrdə etirazlarını davam etdirdilər, Elxan bəyi hədələdilər.
Maraqlıdı ki, belə qarışıq ortamda klub rəhbərliyi yanlış açıqlama ilə ciddi nöqsana yol verən Abdullayevin müdafiəsinə qalxdı və bəyanat yayaraq məşqçilər korpusu ilə müqaviləni daha bir il müddətinə uzadacaqlarını bildirdilər. "Forza Neftçi" "Kəpəz"lə səfər matçına böyük dəstə ilə yollandı və oyun bitincə yenidən istefa tələblərini çatdırdılar.
Klub susqun qalıbsa, azarkeşlər dayanmır. Dünən sözügedən azad azarkeş qrupu bəyanat yayıb. "Forza Neftçi" klubda radikal dəişikliklər istəyir və uğursuz nəticələrə loyal yanaşmamaları üçün sponsorlara müraciət ünvanlayıb: "Başda çox hörmətli cənab Rövnəq Abdullayev və bütün Dövlət Neft Şirkəti rəhbərliyi, sizin də gördüyünüz kimi son üç ildə komandaya ayrılan iri miqdarda pullar və yaradılan şəraitin qarşılığı hər il üzləşdiyimiz fiaskodur. 2015-2017 illərində liqada biabırçı nəticələr, ardıcıl 2 il "Qarabağ" FK-ya kubok finalı məğlubiyyəti, bu il də yenə "Qarabağ"a yarımfinal məğlubiyyəti "Forza Neftçi" olaraq 2009-dan bəri tam səkkiz ildir ki, azad azarkeş qrupu olaraq komandanın yanındayıq və durmadan böyüyürük. Bu klubun 3 il çempion olub Avropaya yol açmasını da görmüşük, Əlincədə Qəbələdən 8 dənə topu da. Səfərlərə qəpik-qəpik pulumuzu yığıb isti-soyuq demədən getmişik, yollarda saatlarla ac qalmışıq ki, "Neftçi"ni səfərlərdə tək qoymayaq. Buraxdığınız milyonlara qarşılıq bu gün komanda 8 klubluq çempionatda 7-ci yerdədirsə, deməli, həqiqətən çox şey yolunda getmir. Bugünə qədər nə etmişiksə, "Neftçi"nin yaxşılığı üçün eləmişik, gözəl və günəşli günlərə qayıtmaq üçün etmişik. Xahiş edirik komandaya qarşı olan nəzarətinizi artırıb işi bacaranlarına həvalə edəsiniz".
Çox da mükəmməl yazılmayan bəyanat olsa da, hədəf bəllidi. Azarkeşlər komandanın idarəçiliyindən narazıdılar və bunun səbəblərini araşdırmaq üçün sponsorlardan ayılmalarını tələb edirlər. Himayədarların, eləcə də klub rəhbərliyinin bu bəyanata necə reaksiya verəcəyi maraqlıdı.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”