İqnasio Herrero: "Bu təzyiqə öyrəşməli və dözümlü olmalıyıq"

Topaz Premyer Liqasının 26-cı turunda “Neftçi” öz meydanında AZAL-ı 4:0 hesabı ilə məğlub etdi. Futbolinfo.az xəbər verir ki, matçdan sonra “Neftçi”nin futbolçusu İqnasio Herrera əmədaşımızın da suallarını cavablandırıb.

– Əlbəttə, bir neçə məğlubiyyətdən sonra bizə qələbə qazanmaq lazım idi. Sevinirik ki, bu gün AZAL-ı məğlub edə bildik. Qələbə münasibəti ilə “Neftçi” azarkeşlərini təbrik edirəm.

– Komandanızın avrkubok şanslarını necə dəyərləndirirsən?
– Əvvəlki oyunlarda xal və xallar qazanmalı idik, amma bacarmadıq. Buna baxmayaraq, hələ də şanslarımız var. Hər şey öz əlimizdə deyil. Rəqiblərimizin xal itirməsindən çox şey asılıdı. İnanıram ki, son 2 oyunda öz vəzifəmizin öhdəsindən gələcəyik, qələbə qazanacağıq. Ümid edirəm ki, Avropa Liqasına vəsiqəni təmin edə biləcəyik. 

– Son oyunlarda qol vura bilmirsiz və kubokdan sonra ardıcıl 2 oyunda məğlub olmusuz. Səbəb nədi?
– Futbolda belə nəticələr olur və buna öyrəşmək lazımdı. Səbr etməliyik. Kuboku qazanmaq və Avropa Liqasında bu yolla vəsiqə əldə etmək istəyirdik. Çox təəsüflər olsun ki, kubokda mübarizəni dayandırdıq. İndi əlimizdə olan şans budu və bundan maksimum istifadə etməliyik. 

– 4 aydı “Neftçi”dəsən. Ümumiyyətlə, tam günücü ortaya qoya bilmisən?
– Yox, bu, mənim tam gücüm deyil. Düzü, uyğunlaşmaq prosesim bir az uzun oldu. 2 ay ərzində özümü meydanda tapa bilmirdim. Amma son dövrlər məşqçimiz mənə inanır və hər dəfə yaxşı oynamağa çalışıram. İnanıram ki, bundan da yaxşı olacam.

– Komanda üzvləri ilə azarkeşlər arasında hansısa problem yoxdu? Çünki baş məşqçiniz daha əvvəl azarkeşləri xuliqan adlandırmışdı…
– Düzü, xuliqan sözünün mənasını bilmirəm. Sualınıza gəlincə, istənilən komanda ardıcıl məğlubiyyətlərdən sonra azarkeş təzyiqi ilə üzləşir. Sadəcə, buna öyrəşməliyik və dözümlü komanda olmalıyıq. İnanıram ki, bu çətin vəziyyətdən çıxacağıq. 

– Karyeran ərzində oynadığın klublarda belə azarkeş təzyiqi ilə üzləşmisən?
– Cənubi Amerikada belə şeylər normaldı, buna alışmışam.

– Avrokubok uğrunda əsas rəqibiniz olan “Sumqayıt” və “Zirə” bu gün xal itirdi. Bunu sizin üçün üstünlük saymaq olar?
– Əlbəttə, bu, üstünlükdü. Gələn turda da özümüz “Zirə” ilə qarşılaşacağıq. Bir sözlə, gələcək taleyimiz özümüzdən asılıdı.

ELMAR ABDULLA-ZADƏ