Ölkə futbolu
“İnter” xilas oldu: klub yaşayacaq və avrokuboklarda iştirak edəcək
“İnter” Peşəkar İdman Klubunun Müşahidə Şuras?…
“İnter” Peşəkar İdman Klubunun Müşahidə Şurasının yeni sədri müəyyənləşdi. Azərbaycan Beynəlxalq Bankı ilə AFFA arasında bağlanmış müqaviləyə uyğun olaraq, idarəçiliyi assosiasiyaya verilmiş kluba Zaur Axundov rəhbərlik edəcək.
Bu gün AFFA-nın İcraiyyə Komitəsinin üzvü Müşahidə Şurasına sədr təyin olundu. Elə bu təyinatı paytaxt klubunun xilası üçün atılan real addım saya bilərik. Bizimlə söhbətində AFFA tərəfindən “İnter”ə səlahiyyətli nümayəndə təyin edilən Rəmiş Malıyev də bunu təsdiqlədi.
Klubda icraçı direktor kimi fəaliyyətini davam etdirəcək Malıyev bu təyinata sevinir: “Zaur müəllimin təyinatı problemlərin həlli üçün real addım oldu. Axundovun futbol təsərrüfatında idarəçilik təcrübəsi zəngindi və onun gəlişi ilə bir sıra məsələlər həllini tapacaq. AFFA yeni sponsorun gəlişinə kimi klubu himayəsində saxlayacaq. Mənimlə müqavilə də yenilənəcək. Yeni sponsorun gəlməsi gözlənilir, Zaur müəllim birbaşa bu işlərlə məşğul olacaq. Həmin məsələ reallaşana kimi AFFA dəstəyini əsirgəməyəcək. İndiki rəhbərlik yeni sponsorun gəlişindən sonra da fəaliyyətini davam etdirəcək”.
AFFA-nın bu təyinatını klubun yaşaması baxımından həlledici addım saymaq olar. Rəmiş bəy də belə düşünür: “Bəli, “İnter” yaşayacaq və Avropa Liqasında da mübarizə aparacağıq. Stadionla bağlı məsələ açıq qalır, zamanla yoluna qoyulacaq, lakin lisenziya almaqla bağlı heç bir problemimiz yoxdu”.
Bir çox futbolçu “İnter”i tərk etmək istəyir. Kluba transfer qadağasının qoyulduğunu nəərə alsaq, yeni oyunçular cəlb etmək mümkün olmayacaq və bu da heyətin zəifləməsi ilə nəticələnəcək. Malıyev isə bu məsələnin üstünə düşdüklərini deyir: “Heyəti qorumağa çalışırıq. Hamıyla danışıqlara başlamışıq və ümid edirəm ki, heyəti 70 faiz qoruyacağıq. Getmək istəyən oyunçuların bəziləri yəqin ki, yeni klubuna keçəcək. Müqaviləsi bitənlər belə addım atmaq istəyir, lakin onlarla da danışırıq, hər şey müsbət həll olunmalıdı. İstənilən halda, Axundovun təyinatından sonra vəziyyət dəyişib. Zaur bəy yeni sponsorun cəb edilməsi ilə bağlı ciddi işlər görəcək, komanda yaşayacaq”.
Rəmiş bəyin dediyinə görə, Tərlan Quliyevi komandada saxlamaq istəyirlər: “Müqaviləsi bitən futbolçular qərarı özləri verəcək. Amma Tərlanla bağlı vəziyyət fərqildi: onun müqaviləsi davam edir, özü isə getmək niyyətindədi. Danışacağıq, qalsa, lap əla, qalmasa, getməsi üçün yeni klubu bizə müraciət etməlidi”.
FƏRİD
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- Ölkə futbolu2024-04-30 10:29
“Qarabağ” üçün daha bir potensial rəqib