Müsahibə
Maksim Medvedev: "Şerif" "Samtredia"dan daha usta komandadı"
"Qarabağ"ın müdafiəçisi Maksim Medvedev UEFA …
"Qarabağ"ın müdafiəçisi Maksim Medvedev UEFA Çempionlar Liqasının 3-cü təsnifat mərhələsi çərçivəsində Moldova "Şerif"inə qarşı Bakıda keçirdikləri ilk oyundan (0:0) sonra jurnalistlərin suallarını cavablandırıb. Futbolinfo.az sizi həmin müsahibə ilə tanış edir:
– Bir epizodda komanda yoldaşın Miçellə mübahisə etdin. Orada nə baş vermişdi?
– Adi futbol epizodu idi. Oyunun sonlarıdı. Udmaq istəyirdik. Gərginlik var idi. Miçel topu ona ötürməyimi istəsə də, mən daha yaxşı mövqedə olan Donald Qerye ilə oynadım. Belə olan halda anlaşılmazlıq yarandı.
– Qurban Qurbanov nəsə demədi?
– Xeyr, bu adi haldı.
– Ümumi oyunla bağlı fikirlərin nədi?
– Rəqib “Samtredia” deyil, daha usta komandadı. Meydanda nə etmək lazım olduğunu bilirlər. Təcrübələri var. Amma onlara qarşı oynamaq olar. Çalışacağıq ki səfərdə başqa cür oynayaq. Artıq onları tanıyırıq.
– Hansı üstünlükləri var ki, bunu daha təhlükəli hesab edirsən?
– 5 müdafiəçi ilə oynadılar. İnanıram ki, cavab matçında fərqli oynayarlar. Ola bilər ki, cavab qarşılaşmasında epizodlarımız çox olsun. Çalışacağıq ki, müdafiədə sağlam oynayaq və hücum xəttimiz də yaxşı çıxış etsin.
– “Qarabağ”ın oyununda problemlər var. Xüsusi ilə də hücumda…
– Futboldu, olur. “Samtredia” 4 müdafiəçi ilə oynayırdı. Amma “Şerif” başqa taktika ilə çıxış etdi. Həm də Moldova komandası daha usta komandadı. Yaxşı mövqe seçirdilər. Asmalar edəndə topu uzaqlaşdırırdılar. Həmin anda problemlər yaranırdı.
– Rəqib sizi daha yaxşı analiz etmişdi?
– Bizi yaxşı analiz etmişdilər. Mövqeləri bağlamışdılar. Əks-hücumlarda oynadılar. Belə rəqiblərə qarşı oynamışıq.
ELMAR ABDULLA-ZADƏ
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”