Ölkə futbolu
“Kəpəz”də rəhbər davası
Premyer Liqanın III turunda "Neftçi"ylə heç-…
Premyer Liqanın III turunda "Neftçi"ylə heç-heçə oynayan (0:0) "Kəpəz"də daxili ab-hava yaxşı deyil. Kluba yaxın mənbələrdən verilən məlumata görə, AFFA ilə Gəncə şəhər İcra Hakimiyyəti arasında münasibətlər pisləşib. Buna səbəb "Kəpəz"in himayəsində tərəflərin razılaşdıra bilmədiyi məqamlardır.
Bir müddət əvvəl xəbər vermişdik ki, komandadakı legionerləri yerli iş adamlarının verdiyi ianələr hesabına saxlayırdılar, lakin bu məsələdə narazılıqlar gələn maliyyənin dayanmasına səbəb olub. Belədə "Kəpəz" keyfiyyətli əcnəbi futbolçularıyla yolları ayırmağa məcbur qalıb. Gəncənin icra hakimi Elmar Vəliyevin AFFA-ya müraciət isə müsbət cavablandırılmayıb və komanda zəif oyunçularla davam etməyə məcbur qalıb (futbolpress.az).
Məsələ tək bu deyil. Gəncə şəhər stadionunun təmiri üçün ayrılan pulu da AFFA komandanın büdcəsindən çıxıb və “Kəpəz” 600 min manatlıq büdcəyə məhkum edilib. Ötən tur “Zirə”ylə ev oyununun Tovuzda deyil, icra başçısının göstərişi ilə qardaşına məxsus bərbad qazonlu Yevlax stadionunda keçirilməsi də münasibətləri soyudub.
Bu və başqa detalllar tərəflər arasında münasibətləri soyudub. Elə dünənki oyunda da klubun icraçı direktoru Cabir İbrahimov Müşahidə Şurasının üzvü Mikayıl Nərimanoğluyla həmişə kimi birlikdə əyləşməyiblər. Cabir bəy İH nümayəndəsidi, Mikayıl Nərimanoğlu isə MŞ üzvü olsa da, klubda əsas fiqurlardan biridir – AFFA-nı təmsil edir. Bir neçə gün öncə onların arasında ciddi mübahisə olub.
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-17 10:49
12 komandalı çempionat: necə etməli?
- Ölkə futbolu2024-04-16 09:10
Lunyov “Qarabağ”dan ayrıla bilər
- Müsahibə2024-04-16 08:00
Atanqana döyülməsini təkzib edir: “Komanda yoldaşlarımla aramızda heç bir problem yaşanmayıb”