Ölkə futbolu
“Azərbaycan yığmasını özündən çıxarmaq üçün belə etməliydik”
Almaniyanın U-21 yığmasının futbolçusu Martin Hartel m&uum…
Almaniyanın U-21 yığmasının futbolçusu Martin Hartel müsahibə verib.
Futbolinfo.az xəbər verir ki, AÇ-2019-un seçmə mərhələsinin Bakıda keçirilən görüşündə Azərbaycan yığmasının qapısından 3 top keçirən futbolçu 7:0 hesablı qələbə haqda danışıb:
– U-21-də keçirdiyiniz 4 qarşılaşmada 4 qol vurmusuz. Hamısını da Azərbaycan yığmasının qapısından keçirmisiz. Evdə 1 qol vurmuşduzsa, səfərdə 3 dəfə fərqləndiz. Sonuncu dəfə nə vaxt het-trik etmişdiz?
– Yaxşı sualdı. Belə hadisə lap çoxdan olub. Yeniyetmə futbolunda oynadığım vaxtlarda. Peşəkar səviyyədə isə bu matçadək het-trik etməmişdim. Azərbaycanla oyunda bunun da vaxtı çatdı. Əslində isə özüm qol vurandan daha çox bunu hazırlayan, assistentlik edən futbolçu kimi görürəm. Lakin Azərbaycanla matç göstərdi ki, mən də qol vura bilirəm.
– Hazırda 4 qolla Almaniya yığmasının seçmə mərhələdəki ən yaxşı bombardirisiz?
– Bu fakt məni sevindirib və qürurlanmağa vadar edir. Əlbəttə ki, bunu komanda yoldaşlarımın köməyi olmadan gerçəkləşdirə bilməzdim. Həmişə olduğu kimi yenə futboldakı qələbə kollektiv oyun hesabına əldə edildi. Qolları kimin vurması isə əhəmiyyət kəsb etmir.
– Siz komandanın ilk 4 qolundan üçünə imza atdız. Hesabı 65-ci saniyədə açdızsa, ikinci hissədə start fitindən 25 saniyə sonra fərqləndiz. Belə çıxır ki, siz ildırım sürətilə qol vurmaqda ixtisaslaşmısız?
– Biz erkən qol vurmağı planlaşdırmışdıq. Azərbaycan yığmasını özündən çıxarmaq üçün belə etməliydik. Planı əla şəkildə gerçəkləşdirdik və ikinci hissədə də yüksək tempdə oynadıq. Bu da xarakter göstərməyimizdən irəli gəlir. Əgər ön xətdə bacarığımızı göstərsək, bizi dayandırmaq çətin olacaq. İkinci hissədə cəmi 25 saniyəyə qol vurmağım heç də pis deyil.
– Bəs oyun planınız nədən ibarət idi?
– Oyuna peşəkar səviyyədə yanaşıb, matça tam köklənməliydik. Favorit olduğumuzu meydanda göstərmək üçün bunlar vacib idi. Həm də biz qol imkanlarını qaçırmamaq istəyirdik. Bunu da əla yerinə yetirdik və razı qala bilərik. 7:0 hesabı ilə qalib gəldik, amma cəmi 3 xal qazandıq. İndi növbəti rəqibi gözləyirik.
– Növbəti matçda İsraillə səfərdə görüşəcəksiz. Bu görüşdən nə gözləyirsiz?
– Bu dəfə nisbətən güclü rəqiblə oynayacağıq. Rəqibi yaxşı təhlil edib, qarşılaşmaya yaxşı köklənməliyik. Aktivimizə daha 3 xal yazmalıyıq. (Apasport)
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Ölkə futbolu2024-04-29 20:00
“Baku Sportinq”dən növbəti darmadağın
- Dünya futbolu2024-04-29 18:32
Palladino iddialı komandadan dəvət gözləyir