Müsahibə
Samir Əliyev: “Buna illər lazımdı”
Azərbaycan Kubokunun 1/4 final mərhələsinin ilk oyunu çər&…
Azərbaycan Kubokunun 1/4 final mərhələsinin ilk oyunu çərçivəsində “Qəbələ”yə səfərdə 0:1 məğlub olmuş “Səbail”in baş məşqçisi Samir Əliyev mətbuat konfransı keçirib.
Futbolinfo.az xəbər verir ki, gənc mütəxəssis öncə bunları söyləyib:
– Ard-arda ağır oyunlar keçirdik. Futbolçularda yorğunluq var idi. Bu gün bir qədər fərqli sistemlə oynadıq. Keyfiyyəti kənara qoyub, müdafiədə daha etibarlı oynamağa çalışdıq. Buna rəğmən, rəqib xeyli sayda qol imkanı yaratdı. Çalışacağıq cavab oyununda daha yaxşı oynayaq.
– Çempionat oyunlarında “Qəbələ” komandanıza daha asan qalib gəlmişdi. Nəyi dəyişmişdiniz ki, bu gün daha ciddi müqavimət göstərə bildiniz?
– Sistemdə dəyişiklik etmişdik. Əlbəttə, qısa zamanda sistemi dəyişmək çətindi. Buna illər lazımdı. Həm də buraxılan səhvlərdən nəticə çıxarmağa çalışmışdıq. İnanıram ki, qış fasiləsindən sonra daha yaxşı oyun nümayiş etdirəcəyik.
– İkinci hissədə komandanız dayandı. Bu, fiziki cəhətdən çatdırmamaqla bağlı idi, yoxsa psixoloji məqamla?
– Bəhanə axtarmıram. Fiziki cəhətdən də çatdırmırdıq, rəqibin hücum xəttinin olduqca güclü olması da rol oynadı. (Sport24)
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”