Hakimləri təhqir edən futbolçuya 4 oyunluq cəza

Bu gün AFFA İntizam Komitəsinin növbəti iclası keçirilib. Futbolinfo.az xəbər verir ki, aparılan müzakirələrdən sonra AFFA-nın bayrağı altında təşkil olunan müxtəlif çempionatlarla bağlı aşağıdakı qərarlar qəbul olunub:

Region Liqasında “Şəki” – “Şirvan” matçının 78-ci dəqiqəsində “Şirvan”ın futbolçusu Ruslan Hüseynov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.

Region Liqasında “Dinamo” – “Astara” matçının 30-cu dəqiqəsində “Dinamo”nun futbolçusu Məğrur Manafov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.

Region Liqasında “Neftçala” – “Füzuli” matçının 42-ci dəqiqəsində “Neftçala”nın futbolçusu Nüsrət Məmmədov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

Gənclər Liqasında “Səbail” – “Sumqayıt” matçının 73-cü dəqiqəsində “Sumqayıt”ın futbolçusu Məhərrəm Həsənov hakimlər briqadasını təhqir etdiyinə görə meydandan kənarlaşdırıldığı üçün 4 oyun cəzalanıb.

U-17 Liqasında “Keşlə” – “Neftçi” İK İB matçının 89-cu dəqiqəsində “Neftçi” İK İB-nin baş məşqçisi Elçin Dərgahquliyev texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb.

U-14 Liqasında UGİM (Göyçay) – “Şirvan” (Şirvan) matçının 60-cı dəqiqəsində “Şirvan”ın futbolçusu Amid Əliyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

U-14 Liqasında “Arzu UGİM-1” (Gəncə) – TİM (Gəncə) matçının 50-ci dəqiqəsində TİM-in futbolçusu Nahid Tanrıverdiyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

U-13 Liqasında “Zirvə” (Lənkəran) – UGİM (Lənkəran) matçının 9-cu dəqiqəsində “Zirvə”nin futbolçusu Mirzə Babayev kobud oyuna görə birbaşa qırmızı vərəqə alaraq meydandan kənarlaşdırıldığı üçün 1 oyun cəzalanıb.

U-13 Liqasında “Təhsil” RİM (Sumqayıt) – “Məhəllə usaqları” (Sumqayıt) matçında “Təhsil”in məşqçisi Tağı Məmmədov texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb.

U-13 Liqasında “Həkəri” (Qubadlı) – UGİM 14 Binəqədi (Bakı) matçının 42-ci dəqiqəsində UGİM-in futbolçusu Yusif Alverov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.

U-13 Liqasında UGİM-1 (Sumqayıt) – “Xızı Təhsil” (Xızı) matçının 45-ci dəqiqəsində UGİM-in futbolçusu Şahin Əhmədov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb.

U-10 Liqasında “Təhsil RİM” (Sumqayıt) – UGİM 14 Binəqədi (Bakı) matçında UGİM 14 iştirak etmədiyinə görə, kluba 0:3 hesablı texniki məğlubiyyət verilib.

Qızlar arasında Yüksək Liqada "Baku City" – "Fidan" matçında “Fidan” komandası yaş limitini pozduğuna görə, kluba 0:3 hesablı texniki məğlubiyyət verilib.

U-13 Qızlar Liqasında, "Xırdalan City" – UGİM Lənkəran matçında UGİM Lənkəran komandası iştirak etmədiyinə görə, kluba 0:3 hesablı texniki məğlubiyyət verilib.

U-16 Qızlar Liqasında Liqasında, “Təhsil” – UGİM (Qax) matçının 62-ci dəqiqəsində “Təhsil”in futbolçusu Rübabə Atakişizadə ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

U-13 Qızlar Liqasında UGİM Lənkəran – “Gömrükçü” matçında UGİM Lənkəran komandası iştirak etmədiyinə görə, kluba 0:3 hesablı texniki məğlubiyyət verilib. Bu hal 3-cü dəfə təkrar olunduğu üçün klub yarışlardan kənarlaşdırırlıb.

Futzal üzrə Yüksək Liqada “FK.İD. Futsal” – “Neftçi” İK matçının 29-cu dəqiqəsində “Neftçi”nin futbolçusu Tural Qurbanov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.

Futzal üzrə Yüksək Liqada “Neftçi” İK – “Xəmsə” matçının 26-cı dəqiqəsində “Neftçi”nin futzalçısı Əjdər Əjdərov ikinci sarı vərəqə alaraq meydandan kənarlaşdırıldığı üçün 1 oyun cəzalanıb.