Ölkə futbolu
Tuayevdən ibarət yubiley, təqdimatla məhdudlaşdırılan qalmaqal
Bu gün Bayıl stadionunda baş tutan AFFA İcraiyyə Komitəsinin…
Bu gün Bayıl stadionunda baş tutan AFFA İcraiyyə Komitəsinin növbəti iclasının qərarları bəllidi. Gündəliyi nədənsə açıqlanmayan tədbirin yekununda gözlənilən qərarlar var.
AFFA prezidenti Rövnəq Abdullayev ilk olaraq assosoiasiyanın təsis olunmasının 25 illik yubileyi ilə əlaqədar İcraiyyə Komitəsinin üzvü Kazbek Tuayevə ölkə futbolundakı səmərəli fəaliyyətinə görə diplom və xüsusi hədiyyə təqdim edib. Halbuki bu hörmətə Çingiz İsmayılov daha çox layiq idi. Sabiq baş katibi fəxri qonaq kimi tədbirə çağırmaq pis olmazdı. Eləcə də AFFA-nın təsis olunmasında iştirak edən bir sıra şəxslər var ki, onlar daim öz kürkünü qoruyan, 25 ildi yalnız qazanmaqla məşğul olan Tuayevlə müqayisədə diqqətə daha çox ehtiyac duyur.
Beləliklə, AFFA-nın 25 illiyi ilə bağlı planlaşdırılan tədbir də sıradan çıxdı – qurum buna ehtiyac duymadı. Ümid edirik iclasda heç olmasa, Fuad Musayevə rəhmət oxuyan olub.
Gündəlikdəki məsələlərə gəlincə Azərbaycan yığma komandalarının baş məşqçisi vəzifəsinə təyinatlar təsdiq olunub. Əvvəlcədən bəlli olduğu kimi, U-21 və U-20 Rəşad Sadıqova, U-19 Vüqar Məmmədə, U-18 Zaur Həşimova, U-17 isə Ramin Quliyevə həvalə edilib.
FIFA-nın göstərdiyi maliyyə yardımı hesabına Sumqayıt şəhər stadionunun ərazisində 2, Bakı Olimpiya Stadionunun ərazisində 1 təbii ot örtüklü standart ölçülü meydan salınması haqda qərar alqışalayiqdi. Lakin burada fərqli qərar da qəbul etmək olardı və bununla bağlı ayrıca yazımızı gözləyin.
Nailə Rüstəm-zadənin AFFA-nın Oyunçuların Statusu və Transferi Komitəsinin sədri təyin olunması qeyri-adi xəbər deyil. Lakin bu şəxsin kimliyi araşdırılmalı, AFFA onun haqda bilgi verməlidi. Əmin olmaq istəyirik ki, Nailə xanım işinin peşəkarıdı, kiminsə qohumu, tanışı deyil.
İclasda həmçinin “Futbol oyunlarının nəticəsinin manipulyasiyası faktları” və “Region Liqası” turniri ilə bağlı xüsusi təqdimatın müşayiəti ilə məlumat verilib. “Region Liqası” ilə bağlı indidən nəsə demək tezdi, yeni yarışdı, cəmi 1 turu baş tutub. Nəticələrin manipulyasiyası ilə bağlı isə daha çox danışmaq olar. Lakin AFFA növbəti dəfə bu məsələnin böyüməsində maraqlı olmadığını göstərdi. Nə rəsmi münasibət, nə də daha sərt addımlar atılmasını özündə ehtiva edən qərar bəndi gördük. Halbuki təkcə bu məsələyə görə İK-nın bir neçə dəfə yığışması gərək idi.
İstənilən halda, AFFA limiti doldurdu. İldə azı 4 dəfə toplaşmalı olan İcraiyyə Komitəsi mətbuatın tənqidlərindən sonra özünə əziyyət verib bir araya gəldi. Əksəriyyəti formal xarakterli olsa da…
AĞA
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?