Ölkə futbolu
Gürcüstan, Kosovo – davam edir…
UEFA Millətlər Liqası turnirinin dünən İsveçrənin Lo…
UEFA Millətlər Liqası turnirinin dünən İsveçrənin Lozanna şəhərində keçirilmiş püşkatmasının nəticəsinə əsasən, Azərbaycan və Kosovo milli komandalarının eyni qrupda mübarizə aparacağı müəyyənləşdi. Və az sonra bəlli oldu ki, bu komandaların fevralın 2-nə təyin olunan yoldaşlıq görüşü baş tutmayacaq.
Səbəb anlaşılandı: komandalar Millətlər Liqasında eyni qrupda mübarizə aparacaqlarından qarşılaşma ləğv edilib. Bununla əlaqədar hər iki futbol federasiyasının rəhbərliyi arasında püşkatmadan sonra görüş keçirilib və qarşılıqlı razılıq əldə olunub.
Bu, AFFA-nın rəsmi saytının məlumatıdı və iki dünya bir olsa da, əslində, səbəbin başqa olduğunu isbatlaya bilmərik. Çünki əsaslandırmaq üçün fakt var.
Lakin qeyri-ixtiyari bir sual vermək istəyirik: Moldova millimizlə eyni qrupa düşsəydi, həmin matç da ləğv olunacaqdı? Axı, bu ölkənin millisi məhz bizimkilərlə qarşılaşmaq üçün püşkatmadan bir neçə saat əvvəl Antalyaya yollandı. Püşk bu 2 komandanı Millətlər Liqasında rəqib seçsəydi, yenə eyni addım atılacaqdımı?
Təbii ki, yox. Kosovoyla oyunun ləğvi üçün püşkatma əla bəhanə oldu. AFFA-dakılar tanınmamış ölkəni yoxlama oyunu üçün rəqib seçərkən səhvə yol vermişdi və mətbuatın tənqidlərindən sonra yuxarı dairələrdə də danlanmışdılar. Matçın ləğvu üçün bəhanə axtarılırdı və püşk futbol qurumumuzu vəziyyətdən çıxardı.
Lakin bu ləğvetmə başqa bir problemin qabardılması üçün də yetərlidi. AFFA 10 gün ərzində artıq 2 ölkənin millisi ilə sınaq matçını ləğv edib. Gürcüstan və Kosovo ilə qarşılaşmalar müxtəlif səbəblərdən baş tutmayacaq. Berti Foqtsun, Robert Prosineçkinin vaxtında bu, mümkün deyildi, Qurban Qurbanovun planlarının pozulması isə heç kimin vecinə deyil.
Doğrudu, indiki dönəmdə rəqib tapmaq çətindi. Lakin nə vacibdi Gürcüstana, Kosovoya minnətçi düşmək? Antalyada olan klublardan biri ilə matçdan daha çox fayda götürmək olardı. Belə oyunlar az olmayıb və yenə də bu təcrübədən yararlanmaq olardı. Və hələ də olar…
AĞA
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub