Millimiz FİFA reytinqində yenə gerilədi

FİFA dünya ölkələrinin yığma komandalarının yeni reytinq siyahısını açıqlayıb. 

Futbolinfo.az xəbər verir ki, Azərbaycan yığması bu gün açıqlanan siyahıda bir pillə geriləyib. Komandamız 275 xalla hazırda 119-cu pillədə qərarlaşıb.

Avropa Millətlər Liqasında yığmamızla bir qrupda yer alan komandalara gəlincə, ən yaxşı göstərici Farer adalarına məxsusdu. Bu komanda bir pillə irəliləyib və hazırda 364 xalla 96-cı yerdə qərarlaşıb. Kosovo da bir pillə irəliləyib – 97 xalla 177-ci yer. Malta isə 185-ci pillədəki mövqeyini qoruyub – 66 xalla 185-ci yer.

Millimizin qarşıdakı aylarda yoxlama oyunu keçirməyə hazırlaşdığı komandalara gəlincə, Makedoniya 74-cü (446 xal), Belarus 93-cü (372 xal), Qırğızıstan 115-ci (282 xal), Latviya isə 132-cidi (225 xal).

İlk onluqda qərarlaşan komandaların mövqeyində ciddi dəyişiklik baş verməyib: 1 (1). Almaniya – 1602, 2 (2). Braziliya – 1484, 3 (3). Portuqaliya – 1358, 4 (4). Argentina – 1348, 5 (5). Belçika – 1325, 6 (6). İspaniya – 1231, 7 (7). Polşa – 1213, 8 (8). İsveçrə – 1190, 9 (9). Fransa – 1183, 10 (10). Çili – 1153.

Qonşu Türkiyə yığması 38-ci pillədə qərarlaşıb. Üç pillə irəliləmiş “ay-ulduzlular”ın hesabında 735 xal var.

Bu ayın ən yaxşı göstəricisi 8 pillə irəliləyərək 88-ci sıraya yüksələn Konqoya məxsusdu. Ən pis göstəriciyə isə Misir yığması imza atıb – 13 pillə geriləyən bu ölkə 43-cü sıraya düşüb.

Qeyd edək ki, FİFA növbəti reytinq cədvəlini martın 15-də açıqlayacaq.