Müsahibə
Elşad Əhmədov: “Ona dedim ki, 15 dəqiqə vaxt verirəm, özünü göstər”
Birinci Divizionda 14-cü turun "Xəzər" – "Sabah&…
Birinci Divizionda 14-cü turun "Xəzər" – "Sabah" (3:0) oyunundan sonra meydan sahiblərinin baş məşqçisi Elşad Əhmədov jurnalistlərin suallarını cavablandırıb. Futbolinfo.az xəbər verir ki, mütəxəssis əvvəlcə oyunla bağlı fikirlərini bildirib.
– Birinci hissədə ola bilər ki, uşaqlar tam olaraq oyuna köklənməmişdi. Amma fasilədən sonra bütün güclərini meydanda qoydular. Demirəm ki, ilk yarıda yaxşı oynamadıq. Amma ikinci hissədə daha yaxşı çıxış etdik. Maraqlı oyun keçdi. "Sabah" da yaxşı komandadı, Premyer Liqaya çıxmağa layiq olduqlarını düşünürəm.
– Birinci hissədə qol vurmağa nə çatmadı?
– İlk oyunolması ilə bağlı bəlkə də, futbolçularda müəyyən həyacan var idi. Yeni gələn futbolçular uyğunlaşma prosesini keçməlidi. Özünüz Antalyada gördünüz ki, çatışmazlıqlarımız var. Onları aradan qaldırmağa çalışırdıq. Müəyyən çatışmazlıqlar olmalıdı. Bunlarsız məşqçilərin də işi olmaz. Çalışıb problemləri aradan qaldıracağıq.
– Fasilədə nəyi dəyişdiz?
– Fasilədə söhbət etdik. Rəqibin bir-iki boşluqlarını dedik. Həmçinin futbolçuların oyuna daha ciddi yanaşmalarını istədik. Premyer Liqaya vəsiqə qazanmaq fikrindəyiksə, oyunlara daha ciddi yanaşmalıyıq. Dəyişikliklər də öz sözünü dedi.
– Ramil Həsənovun oyunu barədə nə düşünürsünüz?
– Ramil birinci hissədə özünü tam olaraq göstərə bilmədi. Özünə də dedim ki, 15 dəqiqə vaxt verirəm, özünü göstər. Amma mən istəyən oyunu sərgiləyə bilmədi.
– Bu oyun komandanın fiziki vəziyyətini necə göstərdi?
– Ola bilər ki, müəyyən çatışmamazlıqlar var. Amma özünüz də gördünüz ki, komanda sona qədər mübarizə apardı. Diqtə edən tərəf idik, topa nəzarət edirdik. Hətta 85-ci dəqiqədə rəqibin cərimə meydançasında prnssinq tətbiq edirdik. Demək olar ki, 80-85 faiz hazırıq.
– Komanda çox istəkli görünürdü. 2:0 hesabı ilə öndə olmağınıza rəğmən yenə irəli atılırdız. Sizcə, bu, komandanı yormaz? Yoxsa, hər şeyi hesablayaraq belə oyun üslubunu tətbiq edirsiz?
– Yox, uşaqlar bunu kor-koranə etmirdi. 2:0-dan sonra topu saxlayandan sonra hücum qururdular. Üçüncü qol da bundan sonra vuruldu. Həmçinin bir neçə imkan oldu, yararlana bilmədik. Bu komandanın oyun üslubudu.
– Eltun Turabovun zədəsi var idi. Həmçinin Müşfiq Teymurova qarşı sərt oyun oldu. Onların vəziyyəti necədi?
– Eltun əvvəldən zədəli idi. Dəyişmək istədik. Amma dedi ki, oynayacam. Onun xarakteri var, mübarizə aparır. Ağrıya-ağrıya da oynadı. Müşfiqin vəziyyəti ilə bağlı hələ dəqiq məlumatım yoxdu.
– Hesab oyuna görə oldu?
– Onu da siz deyin (gülür).
Futbolpress
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”