Ölkə futbolu
Alfa Liqa ilə ulduz ol!
Ölkəmizdə mini futbolun inkişafı və kütləviləşdirilm…
Ölkəmizdə mini futbolun inkişafı və kütləviləşdirilməsi yönündə təsis edilmiş “Azərbaycan Mini Futbol Assosiasiyası” (AMFA) “Bakcell”in baş sponsorluğu ilə Alfa Liqa adlı yeni layihəsini futbol həvəskarlarına təqdim edir.
Peşəkar futbolçu statusu daşımayan istənilən futbol həvəskarı Alfa Liqada iştirak etmək hüququna malikdi. Alfa Liqa hər bir iştirakçısına ulduz olmaq imkanını verir. Liqanın başlıca məqsədləri həvəskar futbolçuların mübarizə və qələbə əzmini yüksəltməkdən, onları komanda halında bir araya gətirməkdən, mini futbol üzrə ən güclü komandanı müəyyənləşdirməkdən və həvəskarlara peşəkarlıq abu-havası yaşatmaqdan ibarətdi.
Təxminən iki ay davam edəcək Alfa liqanın qalibi AMFA-nın dəstəyi və “Bakcell”in baş sponsorluğu ilə ölkəmizi sentyabr ayında Sloveniyada təşkil olunacaq mini futbol üzrə Avropa Çempionlar Liqasında təmsil edəcək. Ötən ilki Çempionlar Liqasında 20-dən çox ölkənin iddialı komandaları köhnə qitənin ən güclü klubu olmaq uğrunda mübarizə aparmışdı. Şübhəsiz yeni mövsümdə Azərbaycan təmsilçisinin də ilk dəfə ÇL-də iştirakı ölkə mini futbolu adına tarixi bir hadisə olacaq.
Bundan əlavə, mini futbol üzrə Azərbaycan milli komandası məhz bu liqada parlayan və fərqlənən oyunçulardan seçilərək formalaşacaq. Alfa Liqadakı çıxışı ilə yığma üzvünə çevrilən futbol həvəskarları Avropa və Dünya çempionatlarında ölkəmizin şərəfini qoruyacaq. Bununla həvəskar futbolçularımız Azərbaycan bayrağı altında mini futbol tarixinin yeni səhifəsini açacaq.
Özünə güvənən hər kəsi Alfa Liqaya çağırırıq. Ulduz olmaq vaxtıdı!
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?