AFFA-nın 2017-ci ildəki xərcləri və qazancı açıqlandı

AFFA-nın 2017-ci ildəki fəaliyyətinin maliyyə hesabatı məlum olub.

Futbolinfo.az xəbər verir ki, qurumun bu gün keçirilən növbəti hesabat konfransında xərclərin 21 milyon 573 min 657 manat olduğu açıqlanıb. Həmin pulların 10 milyon 154 min 918 manatı milli komandalara, 3 milyon 288 min 43 manatı əmək haqqı və ezamiyyə xərclərinə, 2 milyon 340 min 815 manatı uşaq-gənclər futbolu və liqalarına, 1 milyon 445 min 308 manatı hakimlər və hakim-inspektorlar, 490 min 889 manatı təsərrüfat xərclərinə, 1 milyon 83 min 125 manatı oyunların təşkilinə sərf olunub. Aviabilet və otellərə 407 min 534 manat xərclənib. Nəqliyyat xərcləri 565 min 869 manat təşkil edib. Kommunal və rabitə xərcləri 228 min 106 manat, təhsil xərcləri 203 min 34 manat, marketinq və sponsorluq departamentinə 297 min 235 manat, “Cross Culture” layihəsinə 55 min 596 manat, “Elit məşq” layihəsinə 102 min 896 manat, Media Komitəsinə 136 min 161 manat, “Futbol Dərsi” layihəsinə 77 min 396 manat, AÇ-2020-nin Bakıda təşkil olunacaq oyunlarına hazırlıq işlərinə 244 min 439 manat xərclənib.

Bundan başqa, digər xərclər 752 min 303 manat olub. Xərclərin bölgüsündə yeni infrastruktur və ona aid vəsait nəzərdə tutulmayıb. Vergilər üzrə ayırma isə 2 milyon 353 min 147 manat təşkil edib.