Ölkə futbolu
Lider “Sumqayıt”, autsayder “Zirə”
Topaz Premyer Liqasında 3-cü dövrə bitdi. 2018-ci ildə ba…
Topaz Premyer Liqasında 3-cü dövrə bitdi. 2018-ci ildə baş tutan 7 tur həm də turnir cədvəlində ciddi yerdəyişmələrə səbəb oldu.
Əslində, əsas olaylar 2 iddialı klubun – “Zirə” ilə “Qəbələ”nin başındadı. Məhz bu cütlük ümidləri doğrultmayaraq xeyli geriləyib. Düzdü, Roman Qriqorçukun yetirmələri yenə 2-ci pillədədi. Lakin buna görə daha çox “səxavətli” rəqiblərə minnətdar olmaq lazımdı. Əyalət klubu çempionatın ilk yarısında topladığı xal ehtiyatına görə hələ də “Qarabağ”la yanaşı dayanıb.
“Zirə”də isə vəziyyət faciəvidi. 2018-də baş tutan bütöv dövrə ərzində qələbəyə həsrət qalan “qartallar” 7 tura 4 xal qazanıb və 3-cü pilləni əldən verib. Artıq “Neftçi”nin də nəfəsi hiss edilir, komandada böyük təlaş var.
2018-də məğlubiyyət görməyən “Sumqayıt”la “Qarabağ”ın arasına “Neftçi” girib. Bakılılar lider “Sumqayıt”a məğlub olsa da, xal sayına görə 2-ci pillədədi. “Keşlə”nin dirçəlişini, “Səbail”in sabitliyini qeyd etməliyik. Yeganə qələbə sayəsində “Zirə”ni üstələyən “Kəpəz” isə autsayderlikdən qurtarıb.
Aşağıda 3-cü dövrənin turnir cədvəlini dərc etmişik. Bu tablo “Zirə” rəhbərliyi üçün siqnal olmalıdı. Komanda tezliklə toparlanmasa, Avropa Liqasına vəsiqə xəyal olacaq.
3-cü dövrənin turnur cədvəli:
1. Sumqayıt 7 4 3 0 10-5 15
2. Neftçi 7 4 2 1 9-6 14
3. Qarabağ 7 3 4 0 6-2 13
4. Keşlə 7 2 3 2 9-9 9
5. Qəbələ 7 2 3 2 7-7 9
6. Səbail 7 1 2 4 5-9 5
7. Kəpəz 7 1 1 5 3-7 4
8. Zirə 7 0 4 3 6-10 4
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?