Ölkə futbolu
“Dalğa Arena”nın direktoru həmkarlarını ifşa etdi
“Dalğa Arena”nın direktoru Vüqar Həşimov maraqlı…
“Dalğa Arena”nın direktoru Vüqar Həşimov maraqlı müsahibə verib. Azerisport.com-a açıqlamasında fəaliyyətindən danışan qurğu rəhbəri istəmədən digər həmkarlarının bostanına daş atıb.
Əslində, Həşimovun dedikləri həqiqətdi: “Təbii ot örtüyünün salınmasından sonra kapital yenilik baş verməyib. Əksinə, dəniz kənarında yerləşməyimiz əlavə çətinliklər yaradır. Sadəcə, biz işimizi düz görürük. Mən şəxsən hər səhər işə gələrkən xidməti otağıma keçmədən meydana tərəf gedirəm və inspeksiya aparıram. Təbii ot örtüyünün müxtəlif növ xəstəlikləri olur və daimi nəzarət tələb edir. Vaxtında müəyyən edilib aradan qaldırılmalıdır".
Vüqar bəy bunu deyərkən rəhbərlik etdiyi stadionun qazonunun əla vəziyyətdə olmasını nəzərdə tutub və haqlıdı. “Dalğa Arena”da işlər əla qurulub və meydan ideal vəziyyətdədi. O zaman sual olunur: bəs, AFFA-nın balansında olan digər arenalarda niyə fərqli durumdu? Vüqar bəyin dediyi kimi, dəniz kənarında yaşıl örtük saxlamaq daha çətindi. Görəsən, “Bakcell Arena”da, BOS-da nəyə görə qazonlar hər il dəyişilir, Gəncədə 6 ay öncə salınan yaşıl örtük yanıb-saralır? Axı, bu arenaların hamısında qulluğu eyni şirkət – “AgroSport” təmin edir…
Deməli, AFFA digər arenaları bacarıqsız insanlara, dost-tanışa tapşırıb. Ya da bu stadionların tez-tez təmirə bağlanması, sıradan çıxarılması məqsədyönlüdü. Hər təmir prosesi əlavə xərc, eyni zamanda cib doldurmaq imkanıdı. Halbuki “Dalğa Arena” nümunəsi göstərir ki, düzgün qulluqla, işə can yandırmaqla əlavə xərclərdən qaçmaq olar.
Həqiqətən Mərdəkandakı qurğunun süni qazonu da ideal vəziyyətdə idi. O zaman bu arenada örtüyün təbiiyə çevrilməsi beynəlxalq miqyaslı yarışa görə reallaşdı. Və oradan sökülən süni qazon hələ bir neçə il də istifadə oluna bilər. Hazırda Gəncədə günəş altında xarab olan qazon orada məşq meydançasında istifadə edilməliydi, lakin məsuliyyətsizliyin qurbanıdı.
FƏRİD
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?