Ölkə futbolu
“Sabah”ın maliyyəsini kim təmin edir?
Topaz Premyer Liqasının debütantı olacaq “Sabah”da…
Topaz Premyer Liqasının debütantı olacaq “Sabah”da hələ təşkilati işlər tam yoluna qoyulmayıb. Elitada oynaması üçün aldığı lisenziya bu üzdən şübhəli olan klubda suallarımıza cavab almaq üçün də kimsəni tapa bilmirik. Klubun mətbuat xidmətinin rəhbəri Kənan Hakimov isə yalnız növbəti həftəni nişan verir.
Futbolinfo.az klubun kimlər tərəfindən maliyyələşdiriləcəyini dəqiqləşdirmək istəyir. “Sabah”ın müvəqqəti, təsadüfi klub olmadığına əmin olmaq üçün onun maliyyə dayaqlarına nəzər salmaq lazımdı. Həm də “Sabah”ın Təhsil Nazirliyinin balansında olması haqda söhbətlər var.
Amma Hakimovla söhbətimizdə bu sirrin üstünü aça bilmədik. Kənan bəy klubun heç bir nazirliyə bağlı olmadığını desə də, sponsorların adını çəkmədi: “Sabah” müstəqil klubdu. Təhsil Nazirliyi ilə əməkdaşlığımız var. Lakin bu, yalnız “Vətən” cəmiyyətinə görədi. Klubun maliyyəsini iş adamları təmin edəcək”.
Hansı iş adamları? Adlar niyə gizli saxlanılır? İsrarlı tələblərimizdən sonra Kənan bəy fasilə götürüb bizə müəyyən bilgi verdi: “Klub rəhbərliyi hazırda ölkə xaricindədi. Bu səbəbdən suallarınıza qarşıdakı həftə aydınlıq gətirə bilərəm. Sadəcə, deyim ki, klubun sponsoru həm də təsisçi olan iş adamı Yaqub Hüseynovdu”.
Həmsöhbətimizə klubun fiziki şəxsə bağlı olmasının mümkünsüzlüyünü, lisenziya tələblərində bunun qadağan edildiyini xatırlatdıq. Eyni səbəbdən “Xəzər” elitaya buraxılmadı. AFFA klubların sabitliyinə əmin olmaq üçün onların hansısa şirkətə, quruma bağlı olmasını istəyir: “Təbii ki, klubun dayağı olan şirkət var. Amma bunu açıqlaya bilmərəm. Bəli, şəffaflıq olmalıdı, lakin bütün bu məsələlər gələn həftə klub tərəfindən rəsmən açıqlana bilər”.
Niyə gələn həftə? Əvvəl-axır bilinəcəksə, vaxt uzatmağın mənası nədir? Sadəcə, lisenziya tələblərinə uyğun sənədlər təqdim edilərkən göstərilən qurumları açıqlamaq buqədərmi çətindi?
Hakimovu başa düşürük – o, bu ixtiyarın sahibi deyil. Lakin klub rəhbərliyinin vaxt uzatmasının konkret səbəbi olmalıdı. Bəlkə də indiyədək belə bir şirkət sənədlərdə göstərilməyib, elə bu üzdən klubların lisenziya tələblərini yerinə yetirməsi haqda sənədlər açıqlanmır. AFFA-nın baş katibi Elxan Məmmədovun dostları məhz yaxınlıqdan faydalanaraq təşkilati işləri məhz indi yoluna qoyurlar. Bu, özü də saxtakarlıq nümunəsi sayılmalıdı.
Hər halda, gözləyirik… Həm Məmmədovun vəd etdiyi lisenziya şəffaflığını, həm də “Sabah”ın sponsorlarının kimliyini.
FƏRİD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-05 20:57
“Sabah”dan növbəti qələbə
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO