Ölkə futbolu
“Qarabağ” Avroliqanın qrup mərhələsində!
Avropa Liqasında pley-off mərhələsinin cavab oyunları keçi…
Avropa Liqasında pley-off mərhələsinin cavab oyunları keçirilib.
Futbolinfo.az xəbər verir ki, UEFA Çempionlar Liqasında çıxışını başa vuran Azərbaycan çempionu "Qarabağ" da mübarizəni Avroliqada davam etdirir. Ağdam klubu bu turnirin qrup mərhələsinə vəsiqə uğrunda Moldova “Şerif”i ilə mübarizə aparırdı.
Komandamız səfərdə keçirdiyi ilk oyunda bu rəqibinə minimal hesabla uduzmuşdu. Bu üzdən də mərhələ adlamaq üçün Ağdam təmsilçisi bu görüşdə azı 2 top fərqi ilə qalib gəlməli idi.
Tofiq Bəhramov adına Respublika stadionunda baş tutan oyunda Qurban Qurbanovun yetirmələri möhtəşəm əzmkarlıq nümayiş etdiriblər. Komandamız bu rəqibinə doğma meydanda 3 cavabsız qol vurub. Nəticədə, "Qarabağ" yenidən Avroliqanın qrup mərhələsində oynamaq şansı qazanıb.
Avropa Liqası
Pley-off mərhələsinin cavab oyunu
30 avqust
Qarabağ – Şerif 3:0
Qol: M.Medvedev, 9. D.Gerrye, 42. F.Ozobiç, 55.
İlk oyun 0:1.
Hakimlər: Aleksandr Stavrev, Maryan Kirovski, Deyan Kostadinov, Dimitar Meçkarovski (hamısı Makedoniya).
Bakı. Tofiq Bəhramov adına Respublika stadionu.
Qarabağ: 13. Vaqner da Silva, 2. Qara Qarayev, 5. Maksim Medvedev, 6. Simeon Slavçev, 7. İnnosent Emeqara, 11. Mahir Mədətov, 14. Rəşad Sadıqov (k), 17. Abdulla Zubir, 19. Filip Ozobiç, 55. Bədavi Hüseynov, 77. Donald Gerrye.
Ehtiyat oyunçular: 12. Şahruddin Məhəmmədəliyev, 4. Rahil Məmmədov, 25. Ansi Aqolli, 28. Con Delarj, 30. Abbas Hüseynov, 52. Yakub Jezniçak, 91. Coşqun Diniyev.
Baş məşqçi: Qurban Qurbanov.
Şerif: 33. Sergey Paşenko, 4. Petru Raku, 9. Jo Santos, 15. Kristiano, 18. Georgi Anton, 23. Vladimir Kovaçeviç, 39. Ziqi Badibanqa, 55. Mateo Suşiç (k), 88. Rifet Kapiç, 90. Vyaçeslav Posmak, 97. Aleksandr Boyçuk.
Ehtiyat oyunçular: 21. Nikolay Çebotari, 7. Jerson Rodriqes, 8. De Noyjer, 14. Benjamin Balima, 19. Antun Paliç, 35. Ante Kuluşiç, 45. Alhaci Kamara.
Baş məşqçi: Qoran Sabliç.