Layihə
GÜNÜN NİDASI: Axundovu ifşa edən kadrlar!
29 oktyabr, “Səbail” – “Keşlə” oyunu….
29 oktyabr, “Səbail” – “Keşlə” oyunu. Matç bitir, qonaqlar 1:2 hesabıyla uduzur. Və…
…və kameralar “Keşlə”nin Müşahidə Şurasının sədri Zaur Axundovun əyləşdiyi tribunaya tuşlanır. Sifət canlı yayımda ekrana gətirilir, ardınca onun əl-qol hərəkətləri, futbolçularını söydüyünü, danladığını əks etdirən kadrlar.
Adamın tipi, xarakteri budur, amma məhz bu epizodu yayımçı kanalın qabartması, meydançanı qoyub onu hədəfə gətirməsi təsadüf deyil. “CBC Sport”un bu videosu SOCAR-a göndərmək üçün kimlərəsə lazımdı. Axundovun mətbuatda yaradılan mənfi imicinə daha bir detal əlavə etmək, onu daha da gözdən salmaq üçün.
AFFA-nın baş katibi Elxan Məmmədovla Axundovun səmimi dost, tərəfdaş olduğuna inanırsızmı? Qətiyyən. Sadəcə, ikisi də nüfuzludu, bir-birinə düşmən olmaqdansa, bir-birindən istifadə etməyi düşünürlər. Məlum qalmaqalda, Nizami Hacıyevlə Mirhüseyn Seyidovun diskvalifikasiyası olayındakı kimi…
İndi isə Axundov Məmmədova sərf etmir.Nüfuzludu, yuxarılarda hörməti var və hər an AFFA-da daha yüksək vəzifə istəyə, baş katibin monopoliyasına girə bilər. Necə ki, “Keşlə”də onun varlığı Məmmədovun ürəyincə deyil, hər şeyə nəzarət edir, katibin göndərdiyi icraçı direktor Rəmiş Malıyevi lazımsız fiqura çevirib. “Keşlə” uğursuzluq zolağında ikən bunun səbəbkarı kimi Zaur bəyi göstərmək, gözdən salıb, onu yola salmaq üçün fürsətdi.
Fotoda gördüyünüz kimi, məğlub “Keşlə”, söyən Axundov. İnsanı nüfuzdan salmaq, imicini korlamaq üçün daha yaxşı kadr fikirləşməyə belə dəyməz. “CBC Sport”un yiyəsi məlum, əsas idarəçisi məlum. Ver sifarişi, al nəticəni. Bəlkə də Elxan Məmmədov, bəlkə də onun tapşırığıyla Rəmiş Malıyev edib bunu.
Malıyevi təsadüfən qeyd etmədim. Axundovun əlindən zəncir çeynəyən, dəfələrlə sədri yarıtmazlığı üzündən pis vəziyyətdə qoyan və buna görə ikinci plana atılan icraçı direktorun telekanala nüfuz etmə şansı var. Bildiyimizə görə, bacısı burada yüksək postdadı, bəlkə də onun vasitəsi ilə kimdənsə nəsə xahiş edilib. Axı, katiblə “ümumi məqsədlər” üçün bu görüntülər çox vacibdi!
İndi Axundov düşünsün. Ona tezliklə “yuxarı”lardan qulaqburması gələndə təəccüblənməsin!
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?