Müsahibə
Slavik Alxasov: “Düzdü, bir az çətinlik çəkirəm”
“Keşlə”nin müdafiəçisi Slavik Alxasovun fut…
“Keşlə”nin müdafiəçisi Slavik Alxasovun futbolinfo.az saytına müsahibəsi:
– “Keşlə” son turda nəhayət ki, qalib gələ bildi. Bu qalibiyyət ab-havanı nə qədər dəyişib?
– Çempionatda 2 qələbə qazanmışıq, 3 heç-heçə etmişik. Pis durumda idik. Çünki mövsüm başlayandan “qara zolağ”a düşmüşdük. Tərlan Əhmədov gələndən sonra komandada ab-hava dəyişilib. Düşünürəm ki, artıq yaxşıya doğru irəliləyirik.
– Mladen Milinkoviçin zamanında daxili ab-hava pis idi?
– Hər məşqçinin öz oyun tərzi var, oyunçularla davranış qaydası var, motivasiya vermək məsələsi var. Mən işlədiyim bütün məşqçilərə hörmətlə yanaşmışam. Onların verdiyi tapşırıqları yerinə yetirməyə çalışmışam. Deyə bilmərəm ki, hansı yaxşı və ya hansı pisdi.
– Qarşıda “Qəbələ” ilə oyun var. Bilirsən ki, rəqibə də qələbə lazımdı…
– Bəli, “Qəbələ” ilə çətin oyunumuz var. Biz ciddi şəkildə bu qarşılaşmaya hazırlaşmışıq. Bu oyunda rəqib kimi bizə də mütləq 3 xal lazımdı. Əlimizdən gələni edəcəyik ki, oyundan maksimum nəticə ilə ayrılaq.
– Tərlan Əhmədovun gəlişindən sonra bir çox dəyişikliklər gündəmdədi. Uzun müddətdi heyətdəsən və səncə, hansı dəyişikliklərə ehtiyac var?
– Bizim işimiz məşqçinin dediklərini yerinə yetirməkdi. Futbolçuların bu işə qarışması düzgün deyil. Transfer işləri məşqçilər korpusuna aiddir və görəcəyik ki, gələcəkdə kimlər komandada olacaq.
– Son zamanlar “Keşlə”də müdafiədən fərqli mövqelərdə çıxış edirsən. İrəli xətdə oynamaq problem deyil?
– Məşqçi mənə harda oynamağı məsləhət görsə, orda canla-başla hazıram ki, meydanda gücümü göstərim. Əsas odu ki, komandaya xeyri dəysin. Hansı mövqedə oynamağımın bir o qədər də önəmi yoxdu.
– Amma daim çıxış etdiyin mövqedən fərqli oynamaq sənə mütləq çətinlik yaradacaq…
– Əlbəttə, bir az çətinlik çəkirəm. İstənilən halda çətinlik olacaq. Çünki mənim üçün yeni mövqedi. Yarımmüdafiədə və hücumda oynamaq müdafiədəki qədər mənə rahat olmayacaq.
– Çempionatda birincilik mübarizəsində kimlərin olacağı müəyyən qədər bəllidi. Avrokuboklar uğrunda səncə, hansı komandalar döyüşəcək?
– Hələ ki, birinciliyə yaxın “Qarabağ”, “Neftçi” və “Səbail”di. İndiki halda demək olmaz ki, kim dəqiq çempion olacaq. Çünki çempionatın ilk yarısı hələ bitməyib. İkinci yarısı da var. Avrokuboklara gəlincə, bütün komandalar ora iddialıdı və hər cür situasiya mümkündü.
– Milli komandanın Kosovoya 0:4 hesablı məğlubiyyəti haqqında nə fikirləşirsən?
– Vallah, nə deyim, bilmirəm. Səbəbini də heç kim bilmir. Amma indiki halda komandaya dəstək olmaq lazımdı. Çətin günlərdə azarkeşlər komandanın yanında olmalıdı. Bu məğlubiyyətlər azarkeşlər kimi futbolçuları da çox üzüb. Bizim də çətin günlərimiz oldu, irəli baxdıq və indi onlar da eynilə irəli baxmalıdılar. Hər kəs də bir şəkildə dəstəyini göstərməlidi.
– Son oyunlara Qurban Qurbanovdan dəvət gözləyirdin?
– İnşallah, qarşıdakı toplanışlara çağırılaram. Özümüzə inanmaq lazımdı.
AĞA
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Ölkə futbolu2024-04-29 20:00
“Baku Sportinq”dən növbəti darmadağın
- Ölkə futbolu2024-04-29 14:17
II Liqada 23-cü turun təyinatları müəyyənləşdi