Ölkə futbolu
“Futbolçularımızın istəyi “Neftçi”dən üstün idi”
Ölkə kubokunun 1/4 final qarşılaşması çərçiv?…
Ölkə kubokunun 1/4 final qarşılaşması çərçivəsində “Neftçi”yə doğma “divarlar arasında” 0:1 hesabı ilə məğlub olmasına rəğmən, yarımfinala yüksələn “Sumqayıt”ın baş məşqçisi Ayxan Abbasov mətbuat konfransı keçirib. 37 yaşlı mütəxəssis əvvəlcə oyun barədə fikirlərini bölüşüb.
– Yarımfinala yüksəlməyimiz sevindiricidi. Həqiqətən rəqibin “Neftçi” olduğunu biləndə nə dərəcədə çətin olacağını anlayırdıq. Futbolçularımız xarakter göstərdi. Ancaq bu gün azarkeşlərimiz bizim üstünlüyümüz idi. Onların möhtəşəm dəstəyini qeyd edərdim. Komandamızın fiziki hazırlığı məni qorxudurdu. Üç gündən bir oynamağa hazır deyilik. Müəyyən anlarda əks-hücumlar yaxaladıq. Ancaq psixoloji cəhətdən təzyiq öz işini gördü. Qışdan sonra daha hazırlıqlı olmağa çalışacağıq.
– “Sumqayıt” güclənmək üçün hansı addımları atacaq? Yarımfinalda tanıdığınız “Zirə”ylə qarşılaşacaqsınız…
– Güclənməliyik. Mövqelər üzrə deyə bilmərəm, amma legioner olmadan futbolçu tapmaq çox çətindi.
– Atilla Yıldırımla çox uzağa getmək olmaz. Yəqin hücumçu prioritet mövzudu…
– Atilla qol vurmasa da, xeyli iş gördü. Əlbəttə, hücumçudan hamı qol gözləyir. Bizdə də tək forvard Atilladı. Bu gün ən vacib mövqelərdən biri hücumçudu. Azərbaycanda isə beləsini tapmaq çətindi.
– 14 tur nə olan şeydi ki, bizim ölkədə futbolçuların yorğunluğu qabardılır?
– Mən öz komandamızın hazır olmamasını nəzərdə tuturam. Gəlin, futbolçuların haqqına girməyək. Üç gündən bir oynamaq çətindi. Əks-hücumlara çıxanda əziyyət çəkirdik. Bu gün meydanda olanların 90 faizi bütün oyunlarda meydanda olublar.
– Oyunun 7 dəqiqə artırılmasından narası qaldınız?
– Bəli.
– Çempionat, yoxsa ölkə kuboku? Hansını üstün tutursunuz?
– Çalışacağıq ki, hər iki cəbhədə vuruşaq.
– Ayxan Abbasov Roberto Bordini nədə üstələdi?
– Belə deməyək. Futbolçularımızın istəyi “Neftçi”dən üstün idi. Əlbəttə, rəqib futbolçular ustalıq baxımından bizdən aşkar üstün idilər. Ancaq hər iki oyunda futbolçularımız daha istəkli idi.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-23 08:00
“Səbail” “Sabah”a uduzsa…