Ölkə futbolu
Təmkin Xəlilzadə, bu müəllimi tanıyırsan?
Litva ilə yoxlama görüşündəki heç-heç?…
Litva ilə yoxlama görüşündəki heç-heçəyə görə Azərbaycan millisinin üzvlərinə mükafat verilməsi cəmiyyətdə geniş müzakirə olunur.
İctimaiyyət adi yoxlama görüşünə görə futbolçuların hər birinə müəllimin, həkimin, jurnalistin illik məvacibindən də artıq mükafat verilməsini ədalətsizlik hesab edirlər.
Litva ilə oyunda meydanda olmuş Azərbaycan yığmasının üzvü Təmkin Xəlilzadə isə belə düşünmür.
O, “Futbol+”ə verdiyi açıqlamada elə belə də deyib: Futbolçu niyə almamalıdı? Bir qədər yanlış fikirdi. Futbolçu da soyuq, isti demədən çalışır, qaçır”.
Təmkinin “soyuq” deməyi Yardımlı rayonunun Dəlləkli kənd orta məktəbinin müəllimi Nəcəf Məhərrəmovu yadıma saldı.
O Nəcəf Məhərrəmovu ki, düz 21 ildir qışın şaxtasında, soyuğunda şagirdlərini məktəbə şəxsən özü aparıb-gətirir. Qar yol-izi itirdiyi üçün Nəcəf müəllim öndə gedir və uşaqlara “mən yol açıram, siz də izimlə gəlin” deyir.
Nəcəf müəllimin illik məvacibi Təmkinin lazımsız bir oyunda aldığı mükafatdan azdı.
Təmkin bu ölkənin uşaqlarına nə verir? Nə verir də? Heç nə vermir. Bəs Nəcəf müəllim nə verir? Təhsil verir, insanpərvərlik öyrədir, əxlaq əxz edir.
Təmkin Xəlilzadə, əminik ki, sən Nəcəf müəllimi tanımırsan. Nöşün ki, toxun acdan heç vaxt xəbəri olmur.
Bax, ona görə də Nəcəf müəllimin şəkillərini dərc edirik. Sən də, digər komanda yoldaşlarınız da baxsın.
Azərbaycana, azərbaycanlı uşaqlara bu kişi, belə kişilər lazımdır. Amma Azərbaycana və azərbaycanlı uşaqlara lazım olan bu kişi, belə kişilər sizlərdən min dəfə pis yaşayırlar bu ölkədə.
Min dəfə təəssüf!
Sportinfo.az
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?