Dünya futbolu
Ronaldo Messini qabaqladı
La Liqanın 11-ci turu çərçivəsində oynanılan "…
La Liqanın 11-ci turu çərçivəsində oynanılan "Real" – "Sevilya" matçı yəqin ki, mövsümün ən yaddaqalan oyunlarından biri olacaq. Futbolinfo.az xəbər verir ki, qarşılaşmanın ən parlaq simaları dünyanın ən bahalı iki futbolçusu Kriştianu Ronaldo və Qaret Beyl idi. Bu matçda het-trikə imza atan ulduz forvard Ronaldo klub tarixindəki pillələri dırmaşmağa davam edir.
"Sevilya"nın qapısına 3 dəfə yol tapan oyunçu "Real" forması ilə La Liqadakı qol sayını 158-ə çıxarmaqla Ferenş Puşkaşı keçdi. Bununla da Kriştianu "Real"ın La Liqadakı ən məhsuldar 5-ci futbolçusuna çevrildi.
Futbolçu qol
Raul Qonsales 228
Alfredo Di Stefano 216
Santillana 186
Uqo Sançes 164
Kriştianu Ronaldo 158
Ferenş Puşkaş 156
2009-cu ilin yayında "Mançester Yunayted"dən 94 milyon avro qarşılığında transfer olunduğu "Real"da tarix yazmağa davam edən forvard məhsuldarlığın səviyyəsinə görə də özündən yuxarıdakı 4 oyunçunu qabaqlayır. Ronaldo 158 qolu 146 matçda vurmaqla orta hesabla matçbaşına 1,1 qol vurur. Amma digər oyunçuların heç birində bu göstərici 1-i keçmir. Cari mövsüm də qollarını sıralamağa davam edən 28 yaşlı ulduz Madrid klubunda bu ana qədər 14 rəsmi matçda 18 qolla yadda qalıb ki, bu da yaşıl meydanlarda onun ən böyük rəqibi Lionel Messidən 6 qol çox vurduğu anlamına gəlir.
2013-cü il etibarı ilə isə 50-si "Real", 6-sı da milli komandada olmaqla Kriştianu düz 56 qolla yadda qalıb. 2012-ci ildə isə bu rəqəm 63 idi (58 – "Real", 5 – Portuqaliya). Nəzərə alsaq ki, hələ ilin bitməsinə 2 ay, yaxud 13 matç qalıb, Kriştianu öz rekordunu qırmağa çox yaxındı.
AMİN
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?