“Mançester Yunayted” səfərdən əliboş döndü

Futbol üzrə İngiltərə Premyer Liqasında 33-cü tura start verilib.

Futbolinfo.az xəbər verir ki, ilk oyun günündə iki görüş baş tutub.

“Mançester Yunayted” “Vulvehemtpon”un qonağı olub. “Qırmızı şeytanlar” bu qarşılaşmadan məğlubiyyətlə ayrılıb.

“Uotford” isə doğma azarkeşləri qarşısında “Fulhem”lə qarşılaşıb. Beş qolun qeydə alındığı bu oyunda da meydan sahibləri qələbəni bayram edən tərəf olub.

Bu turda keçirilməsi nəzərdə tutulan “Tottenhem” – “Brayton” matçı aprelin 23-də oynanılacaq.

Bu həftə Premyer Liqanın 27 və 31-ci turundan təxirə salınmış iki oyunu da keçiriləcək. 27-ci turdan təxirə salınan oyunda “Çelsi” “Brayton”la qarşılaşacaq. 31-ci tur çərçivəsində isə “Tottenhem” “Kristal Pelas”ı sınağa çəkəcək.

İngiltərə Premyer Liqası
33-cü tur
2 aprel

Vulverhempton – Mançester Yunayted 2:1
Qol: Jota, 25. Smollinq, 77-öz qapısına – Maktominay, 13.

Uotford – Fulhem 4:1
Qol: Dukure, 23. Huqes, 63. Dini, 69. Femenia, 75 – Babel, 33.

3 aprel

22:45 Mançester Siti – Kardiff Siti

5 aprel

23:00 Sauthempton – Liverpul

6 aprel

18:00 Bornmut – Bernli 
18:00 Haddersfild – Lester
18:00 Nyukasl – Kristal Pelas

7 aprel

17:05 Everton – Arsenal

8 aprel

23:00 Çelsi – Vest Hem

27-ci turdan təxirə salınan oyun

3 aprel

22:45 Çelsi – Brayton

31-ci turdan təxirə salınan oyun

3 aprel

22:45 Tottenhem – Kristal Pelas