Dünya futbolu
Millimizin futbolçusu baş məşqçisiz qaldı
Türkiyənin “Girəsunspor” klubu baş məşqçi…
Türkiyənin “Girəsunspor” klubu baş məşqçisi Kemal Kılıçla yollarını ayırıb.
Futbolinfo.az xəbər verir ki, bu barədə TFF 1-ci liqada mübarizə aparan klubun mətbuat xidməti məlumat yayıb.
Azərbaycanın gənclərdən ibarət yığmasının üzvü Ozan Can Kökcünün formasını geyindiyi bu komanda 1-ci liqanın 29-cu turu çərçivəsində sonuncu pillədə qərarlaşmış “Karabükspor”un qonağı olub. Futbolçumuzun komandası cari mövsümdə cəmi iki heç-heçəyə imza atmış, artıq aşağı liqaya düşəcəyi dəqiqləşmiş, 13 oyundu ardıcıl məğlubiyyətlə üzləşən bu rəqiblə görüşdə qolsuz heç-heçəyə razılaşıb. Məhz bu nəticədən sonra klub rəhbərliyi Kılıçı istefaya göndərməyə qərar verib.
Xatırladaq ki, K.Kılıç bu mövsüm “Girəsunspor”un “sükanı arxası”na gətirilmiş dördüncü məşqçi idi. O, 21-ci turdan etibarən komandaya rəhbərlik edirdi. Bu müddətdə Girəsun təmsilçisini 9 oyuna çıxaran mütəxəssis, cəmi 1 qələbəyə sevindiyi halda, 5 heç-heçə və 3 məğlubiyyət görüb.
“Girəsunspor” 29 turdan sonra 29 xalla 18 kollektiv arasında 15-ci pillədə qərarlaşıb.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”