Ölkə futbolu
“Real”ın Bakıda futbol məktəbi açılır
Hazırda dünyanın 65 ölkəsində 200-dən artıq sosial idm…
Hazırda dünyanın 65 ölkəsində 200-dən artıq sosial idman məktəbi açan “Real” Madrid Fondu 4 noyabr tarixində Azərbaycan Respublikası Gənclər və idman Nazirliyi ilə birgə “Uşaqların futbol vasitəsilə sağlamlıqlarının qorunması və cəmiyyətə inteqrasiyası” adlı sosial proqramı çərçivəsində “Vətən” sosial futbol məktəbinin rəsmi açılış mərasimini həyata keçirəcək. Futbolinfo.az xəbər verir ki, məktəbin rəsmi açılış mərasimində Gənclər və İdman naziri Azad Rəhimov, “Real” Madrid Fondunun vitse- prezidenti Enrike Sançes, AFFA-nın baş katibi Elxan Məmmədov və digər rəsmi şəxslər iştirak edəcəklər.
Qeyd edək ki, “Vətən” sosial futbol məktəbi post-Sovet məkanında 1-ci, Avropada isə 8-ci məktəbdi. 29 aprel 2013-cü il tarixində İspaniya Krallığının Madrid şəhərində yerləşən “Santiaqo Bernabeo” stadionunda Azərbaycan Respublikası Gənclər və İdman nazirliyi və “Real” Madrid Fondu arasında imzalanmış əməkdaşlıq haqqında proqrama uyğun olaraq Bakıda “Uşaqların futbol vasitəsilə sağlamlıqlarının qorunması və cəmiyyətə inteqrasiyası” adlı sosial proqramı çərçivəsində “Vətən” sosial futbol məktəbinin yaradılması haqqında razılığa gəlinib.
“Vətən” sosial futbol məktəbinə daxil olma şərtləri:
– 8-17 yaş həddi
– Risk altında olan və yoxsulluqdan əziyyət çəkən ailələr
– Uşağın təhsil və dərsə davamiyyət göstəricisi
– Ailənin sosial statusu (qaçqın və məcburi köçkün)
2013-14-cü tədris ilində “Vətən” sosial futbol məktəbinə 100 nəfərin (50 qız, 50 oğlan) qəbulu nəzərdə tutulub. Hazırda 50 oğlan, 20 qız olmaqla 70 gənc məktəbdə müntəzəm məşqlərdə iştirak edir.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?